Philippines News: ફિલિપાઈન્સમાં 23 ઑક્ટોબર, 2026ના રોજ એરફોર્સના બે ટ્રેનિંગ વિમાનો સાથે ગંભીર દુર્ઘટના (Philippines Air Force Crash) સર્જાઈ હતી. બટાંગાસ પ્રાંતના લિપા શહેરમાં આવેલા ફર્નાન્ડો એર બેઝ (Fernando Air Base) પર તાલીમ ઉડાન દરમિયાન થયેલી આ ઘટનામાં ચાર પાયલટનાં મોત નીપજ્યાં હતાં. ફિલિપાઈન્સ એરફોર્સ (PAF)એ 24 ઑક્ટોબરે ચાર પાયલટનાં મોતની પુષ્ટિ કરી હતી.
Philippines Air Force Crash: તાલીમ દરમિયાન બે SF-260 વિમાનો દુર્ઘટનાગ્રસ્ત
પ્રાથમિક અહેવાલો અનુસાર, બંને SF-260 ટ્રેનિંગ વિમાનો 23 ઑક્ટોબરે બપોરે લગભગ 3:51 વાગ્યે તાલીમ ઉડાન ભરી રહ્યાં હતાં. સ્થાનિક મીડિયાના અહેવાલોમાં બંને વિમાનો હવામાં ટકરાયાં હોવાનું જણાવાયું છે. જોકે, દુર્ઘટનાનું ચોક્કસ કારણ જાણવા તપાસ ચાલી રહી છે.
એરફોર્સે શોક વ્યક્ત કર્યો, તપાસ શરૂ
ફિલિપાઈન્સ એરફોર્સે ચાર પાયલટનાં મોત (Four Pilots Killed) પર શોક વ્યક્ત કર્યો છે. મૃતક પાયલટનાં પરિવારોને જરૂરી સહાય પૂરી પાડવા માટે પણ કામગીરી હાથ ધરવામાં આવી છે. એરફોર્સે પરિવારોની ગોપનીયતાનો આદર કરવાની અપીલ કરી છે.
અધિકારીઓના જણાવ્યા અનુસાર, બંને વિમાનો એર બેઝની હદમાં જ તૂટી પડ્યાં હતાં. આ ઘટનામાં જમીન પર અન્ય કોઈ જાનહાનિ નોંધાઈ નથી. દુર્ઘટનાની તપાસ પૂર્ણ ન થાય ત્યાં સુધી સાવચેતીના પગલારૂપે તમામ SF-260 (SF-260 Aircraft) વિમાનોને અસ્થાયી રીતે ગ્રાઉન્ડેડ કરવામાં આવ્યાં છે.
હાલ તપાસનો મુખ્ય હેતુ દુર્ઘટના પાછળનું ચોક્કસ કારણ શોધવાનો છે. તપાસના પરિણામો સામે આવ્યા બાદ જ ઘટનાની સંપૂર્ણ વિગતો સ્પષ્ટ થશે.
આ પણ વાંચો: મુંબઈમાં ભારે પવનથી 8 ફ્લાઇટ સુરત એરપોર્ટ પર ડાયવર્ટ, તમામ વિમાનોનું સેફ લેન્ડિંગ
આ પણ વાંચો: ઇટાલીના ફોર્લી એરપોર્ટ પર તોફાનનો કહેર, રનવે પર રમકડાંની જેમ ફરવા લાગ્યા વિમાનો
આ પણ વાંચો: NEET પરીક્ષાના પેપરો વિમાનો દ્વારા મોકલાશે, સુરક્ષા વ્યવસ્થા પર PM Modi ની સીધી નજર
