વૈશ્વિક કોરોના વાયરસનાં કેસ વધીને 26 કરોડથી વધુ થઈ ગયા છે. આ મહામારીનાં કારણે અત્યાર સુધીમાં 51.8 લાખથી વધુ લોકોનાં મોત થયા છે, જ્યારે 7.52 અબજથી વધુ લોકોનું રસીકરણ કરવામાં આવ્યું છે. જોન્સ હોપકિન્સ યુનિવર્સિટી દ્વારા આ આંકડા શેર કરવામાં આવ્યા છે. બુધવારે સવારે તેના નવીનતમ અપડેટમાં, યુનિવર્સિટીનાં સેન્ટર ફોર સિસ્ટમ્સ સાયન્સ એન્ડ એન્જિનિયરિંગ (CSSE) એ અહેવાલ આપ્યો કે વર્તમાન વૈશ્વિક કેસ 260,016,952, મૃત્યુઆંક 5,181,383 છે અને રસીકરણની કુલ સંખ્યા 7,524,687,208 છે.
આ પણ વાંચો – Poverty Index / દેશનાં ગરીબ રાજ્યોમાં ગુજરાત 13માં ક્રમે, 18.60 ટકા લોકો ગરીબી રેખા નીચે
દેશમાં કોરોના વાયરસનાં નવા કેસોમાં સતત ઘટાડો થઈ રહ્યો છે. દેશમાં આજે 10,000 થી વધુ નવા કેસ સામે આવ્યા છે. છેલ્લા 24 કલાકમાં કુલ 10,549 નવા કેસ મળી આવ્યા છે, જ્યારે 9,868 લોકો સ્વસ્થ થયા છે. જેના કારણે સક્રિય કેસોની સંખ્યામાં મોટો ઘટાડો થયો છે અને હવે આ આંકડો ઘટીને માત્ર 1,10,133 પર આવી ગયો છે. આટલું જ નહીં, રિકવરી રેટ પણ વધીને 98 ટકાથી વધી ગયો છે, જે ગયા વર્ષનાં માર્ચ પછીનું સૌથી ઊંચું સ્તર છે. દરમિયાન, કોરોના રસીઓમાં પણ તેજી જોવા મળી રહી છે. દેશમાં અત્યાર સુધીમાં 1,20,27,03,659 થી વધુ કોરોના રસી આપવામાં આવી છે અને હવે આ આંકડો 120 કરોડને પાર થઇ ગયો છે.
COVID19 | India reports 10,549 new cases, 488 deaths and 9,868 recoveries in the last 24 hours; Active caseload stands at 1,10,133: Ministry of Health and Family Welfare pic.twitter.com/BYiFvJYFzx
— ANI (@ANI) November 26, 2021
આ પણ વાંચો – UP Election / UP માં યોગીનો ખેલ બગાડી શકે છે રાકેશ ટિકૈત, મતદારો પાસે જઇને લગાવશે ‘ભાજપને હરાવો’ નાં નારા
દેશમાં સંક્રમિતોની સંખ્યા ગયા વર્ષે 7 ઓગસ્ટે 20 લાખ, 23 ઓગસ્ટે 30 લાખ અને 5 સપ્ટેમ્બરે 40 લાખથી વધુ થઈ ગઈ હતી. વળી, સંક્રમણનાં કુલ કેસ 16 સપ્ટેમ્બરનાં રોજ 50 લાખ, 28 સપ્ટેમ્બરનાં રોજ 60 લાખ, 11 ઓક્ટોબરનાં રોજ 70 લાખ, 29 ઓક્ટોબરનાં રોજ 80 લાખ અને 20 નવેમ્બરનાં રોજ 90 લાખને પાર કરી ગયા હતા. દેશમાં, આ કેસ 19 ડિસેમ્બરે એક કરોડને વટાવી ગયા, આ વર્ષે 4 મે મહિનાનાં રોજ બે કરોડને વટાવી ગયા અને 23 જૂને ત્રણ કરોડને વટાવી ગયા.
