વલસાડમાં હત્યાનો આરોપી અંતે 10 વર્ષે ઝડપાયો

Valsad News : ગુજરાતના વલસાડમાં એક દાયકા જૂના હત્યા કેસમાં, સ્પેશિયલ ઓપરેશન ગ્રુપ (SOG) એ આરોપીને પકડી લીધો છે. જેણે 2014 થી સાધુ (સંત) તરીકે કથિત રીતે વેશપલટો કરીને ઉત્તરપ્રદેશમાં રહેતો હતો.

આસિસ્ટંટ સબ ઈન્સ્પેક્ટર વિક્રમ રાઠોડની આગેવાની હેઠળની SOG ટીમને આરોપી પ્રેમ સિંહ ઉર્ફે સાધુ, જેને સેંદાબાબા બાબુરામ નિષાદ તરીકે પણ ઓળખવામાં આવે છે, તે સાધુના વેશમાં યુપીના વિવિધ મંદિરોમાં રહેતો હોવાની માહિતી મળી હતી.

ટેકનિકલ સર્વેલન્સ અને સ્થાનિક પોલીસની મદદથી, SOG ટીમે એક દાયકા સુધી ધરપકડ ટાળ્યા બાદ ભાગેડુને પકડી પાડ્યો હતો.

2014માં વાપી જીઆઈડીસીમાં એક રૂમમાં રહેતા પ્રેમ સિંહે તેના સહકાર્યકર પ્રતાપ સિંહ રાજપૂત સાથે ભોજન બાબતે ઝઘડો કર્યો હતો અને તેના પર કુહાડી વડે હુમલો કર્યો હતો.

તે સમયે પોલીસે પ્રેમ સિંહ વિરુદ્ધ હત્યાનો ગુનો નોંધ્યો હતો પરંતુ તપાસ દરમિયાન તે ફરાર થઈ ગયો હતો. તપાસમાં આરોપી યમુના નદીના કિનારે સ્મશાનમાં રહેતો હોવાનું જણાયું હતું. એસઓજીની ટીમે આરોપીને ઝડપી લીધો ત્યારે તે સાધુવેશમાં જ હતો.

ઉલ્લેખનીય છે કે, પ્રેમ સિંહની માહિતી આપનારાને ઈનામની પણ જાહેરાત કરવામાં આવી હતી.