Valsad News: વલસાડમાં નગરપાલિકાની ચૂંટણીને લઈને રાજકીય ઉથલપાથલ તીવ્ર બની છે. આપના કેટલાક અગ્રણીઓ અને કાર્યકરે કેસરિયા કર્યા હતા. આપના રાજુ મરચાનો પરિવાર ભાજપમાં જોડાયો હતો. રાજુ મરચાની પુત્રી ઉર્વશી પટેલની પુત્રીને ભાજપે ટિકિટ આપી છે.
રાજુ મરચા, રાજુ મરચાની પુત્રી અને પુત્ર તથા પત્નીએ ભાજપમાં વિધિવત પ્રવેશ કર્યો છે. જિલ્લા પ્રમુખ હેમંત કંસારા અને સાંસદની હાજરીમાં ભાજપમાં જોડાયા. જો કે હજી રાજુ મરચા ભાજપમાં વિધિવત રીતે જોડાયા નથી. આના પગલે ચૂંટણી પહેલા કેસરિયા છાવણીમાં ઉત્સાહનો માહોલ છે.
આમ સ્થાનિક સ્વરાજ્યની ચૂંટણી પૂર્વે વલસાડમાં રાજકીય ધમધમાટે વેગ પકડ્યો છે. નગરપાલિકાની ચૂંટણીમાં આયારામ ગયારામની રમત શરૂ થઈ ગઈ છે. હાલમાં રાજકીય વાતાવરણમાં કોઈ સરકાર વિરોધી કરંટ નથી. તેના લીધે મચવો જોઈએ તેવો હોબાળો હજી સુધી મચી રહ્યો નથી. જો કે ચૂંટણીની તારીખ નજીક આવવાની સાથે રાજકીય પ્રવૃત્તિઓ વેગ પકડે તેમ મનાય છે.
