Rajkot News: રાજકોટ ગ્રામ્ય પોલીસમાં ફરજ બજાવતા પોલીસ કોન્સ્ટેબલ સાગર ઝાપડિયાએ પોતાના સ્વૈચ્છિક રાજીનામા (Rajkot Police Constable Resignation) અંગે જાહેરમાં નિવેદન આપ્યું છે. તેમનો દાવો છે કે સાત મહિના પહેલાં રાજીનામું (Rajkot Police Constable Resignation) આપ્યા છતાં હજુ સુધી તેને મંજૂરી આપવામાં આવી નથી. કોન્સ્ટેબલનું કહેવું છે કે તેઓ પોલીસની નોકરી છોડીને સમાજસેવા કરવા માંગે છે, પરંતુ રાજીનામું સ્વીકારવાને બદલે તેમને માનસિક ત્રાસ આપવામાં આવી રહ્યો છે.
Rajkot Police Constable Resignation: રાજીનામું સ્વીકારવામાં વિલંબનો દાવો
સાગર ઝાપડિયાના જણાવ્યા મુજબ તેમણે રાજીનામું (Rajkot Police Constable Resignation) આપ્યા બાદ જિલ્લા પોલીસ અધિકારી (SP) સમક્ષ વ્યક્તિગત રજૂઆત કરી હતી. ત્યારબાદ તેમના પરિવારજનો પણ અધિકારીઓને મળ્યા હતા.તેમનો આક્ષેપ છે કે રાજીનામા (Rajkot Police Constable Resignation) અંગે નિર્ણય લેવાને બદલે તેમને ખોટા કેસમાં ફસાવવાની અને કડક કાર્યવાહી કરવાની ધમકી આપવામાં આવી હતી.
ઉચ્ચ અધિકારીઓને રજૂઆત
કોન્સ્ટેબલના જણાવ્યા મુજબ તેમણે રેન્જ IG, રાજ્યના DGP તેમજ માનવ અધિકાર પંચ સમક્ષ પણ લેખિત રજૂઆતો કરી હતી.તેમનો દાવો છે કે રજૂઆતો બાદ તેમની દૂરના વિસ્તારમાં બદલી કરવામાં આવી, જેને તેઓ બદલાની કાર્યવાહી ગણાવે છે.
સમાજસેવા માટે નોકરી છોડવાનો નિર્ણય
સાગર ઝાપડિયાએ જણાવ્યું કે તેઓ સમાજમાં ખેડૂતો અને સામાન્ય લોકોના પ્રશ્નો માટે કામ કરવા માંગે છે. તેમના કહેવા મુજબ હાલની પરિસ્થિતિમાં ખેડૂતો અને સામાન્ય નાગરિકોને પૂરતો ન્યાય મળતો નથી, તેથી તેમણે પોલીસ સેવા છોડવાનો નિર્ણય કર્યો છે.
રાજકારણમાં જોડાવાની પણ વ્યક્ત કરી ઈચ્છા
મીડિયા સાથેની વાતચીત દરમિયાન તેમણે જણાવ્યું કે તેઓ આમ આદમી પાર્ટીની વિચારધારાથી પ્રભાવિત છે અને ભવિષ્યમાં તે પક્ષ સાથે જોડાઈ સમાજસેવા કરવા ઈચ્છે છે.
સત્તાવાર પક્ષની રાહ
આ સમગ્ર મામલે કોન્સ્ટેબલે અનેક ગંભીર આક્ષેપો કર્યા છે. જોકે, સંબંધિત પોલીસ વિભાગ અથવા અધિકારીઓ તરફથી હજુ સુધી કોઈ સત્તાવાર જવાબ જાહેર કરવામાં આવ્યો નથી. હવે આગળ તંત્ર શું નિર્ણય લે છે તેના પર સૌની નજર છે.
આ પણ વાંચો:‘મને માફ કરજો, જેના પર કર્યો વિશ્વાસ એ તૂટી ગયો , ‘ સુસાઈડ નોટમાં લખી મહિલા કોન્સ્ટેબલે કર્યો આપઘાત
આ પણ વાંચો:મને સેલ્યુટ કેમ ના મારી કહી નકલી IPSએ કોન્સ્ટેબલને ધમકી આપી
