Ahmedabad News : અમદાવાદના મેઘાણીનગર વિસ્તારમાં પ્લેન ક્રેશની દુર્ઘટના બાદ વધુ એક અકસ્માતની ઘટના બની છે. જેમાં વિમાનનો કાટમાળ લઈ જતી ટ્રકને ACB ઓફિસ નજીક અકસ્માત નડ્યો હતો.આ બનાવની વિગત મુજબ વિમાનની ટેલ લઈ જઈ રહેલા ટ્રકને ACB કચેરી નજીક દુર્ઘટના નડતા ભારે ખલેલ જોવા મળી.ACB કચેરી નજીક ટ્રકનો પાછળનો ભાગ ટેલ સાથે ઝાડમાં ફસાઈ ગયો અને તેની અસરથી વિમાનની ટેલ તૂટી ગઈ હતી. ઘટનાને પગલે પોલીસ અને ફાયર વિભાગની ટીમોએ તાત્કાલિક કામગીરી શરૂ કરી અને ટેલના ભાગને હટાવવાનો પ્રયાસ શરૂ કર્યો.
પ્રશાસનને માર્ગ સલામત રાખવા માટે શાહીબાગ ડફનાળા ક્રોસિંગથી કેમ્પ હનુમાન મંદિર સુધીનો માર્ગ થોડા સમય માટે બંધ કરવો પડ્યો. સમગ્ર ઘટનાની વધુ મુશ્કેલી એ હતી કે ક્રેશ સમયે પણ પ્લેનની ટેલ એ જ સ્થળે ફસાઈ હતી, અને હવે કાટમાળના નિકાલ દરમ્યાન ફરી તેવી જ સમસ્યા સર્જાઈ.જાણકારી મુજબ, AI171 વિમાન ક્રેશમાં 260 કરતા વધુ લોકોના જાન ગયા હતા અને હાલમાં તપાસ એજન્સીઓ આ મામલે ઊંડાણપૂર્વક તપાસ ચલાવી રહી છે. પ્લેનનો કાટમાળ રાતે મોડે એરપોર્ટ પહોંચાડી દેવામાં આવ્યો હતો.
અત્યાર સુધીમાં એર ઈન્ડિયા વિમાન દુર્ઘટનામાં મૃત્યુ પામેલા 247 લોકોના મૃતદેહોના ડીએનએ ટેસ્ટ સફળતાપૂર્વક મેચ થયા છે. તેમના પૈકી 232 મૃતદેહો તેમના પરિવારજનોને સોંપવામાં આવ્યા છે, જ્યારે 3 પરિવારો હજુ પણ તેમના નજીકના સભ્યના મૃતદેહ માટે રાહ જોઈ રહ્યા છે.
કુલ 23 મૃતદેહોને હવાઈ માર્ગે તેમના વતન મોકલવામાં આવ્યા છે અને 209 મૃતદેહોને એમ્બ્યુલન્સ મારફતે પરિવારો સુધી પહોંચાડવામાં આવ્યા છે. મૃત્યુ પામેલા લોકોમાં 175 ભારતીય નાગરિકો, 60 વિદેશી નાગરિકો અને 12 નોન પેસેન્જરો (જેમ કે ક્રૂ મેમ્બર અથવા અન્ય સ્ટાફ)નો સમાવેશ થાય છે. સરકાર અને તંત્ર દ્વારા આ દુર્ઘટનામાં મૃત્યુ પામેલા તમામ મૃતકોને ઓળખવાની અને તેમના પરિવારજનો સુધી પહોંચાડવાની પ્રક્રિયા ઝડપથી હાથ ધરવામાં આવી રહી છે.
આ પણ વાંચો:રાષ્ટ્રીય વિમાની દુર્ઘટનાના સમયમાં સિવિલ હોસ્પિટલ બન્યું આશાનું કમાન્ડ સેન્ટર
આ પણ વાંચો:અમદાવાદ વિમાન દુર્ઘટનામાં મળેલું ‘બ્લેક બોક્સ’ મોકલવામાં આવશે અમેરિકા, એક મોટી સમસ્યા
આ પણ વાંચો:આ છે પ્લેન ક્રેશની બચાવ કામગીરીના રિયલ હીરોઝ, તેમના અનુભવો તેમના જ શબ્દોમાં
