Uttarakhand News : ઉત્તરાખંડના કાશીપુરમાં એક પ્રાઈવેટ સ્કૂલના વિદ્યાર્થીએ શિક્ષક પર એ કારણસર ગોળી ચલાવી હતી કે શિક્ષકે ભણવા બાબતે ઠપકો આપ્યો હતો. નવમાંધોરણમાંભણતા આ વિદ્યાર્થીએ સિક્ષકને ગોળી મરતા તેમના જમણા ખભા નીચે ગોળી વાગી હતી.જેમાં શિક્ષક ગંભીરપણે ઘાયલ થયા હતા. જેને પગલે તમને સારવાર માટે નજીકની ખાનગી હોસ્પિટલમાં દાખલ કરવામાંઆવ્યા હતા.
બે દિવસ પહેલાં શિક્ષકે વિદ્યાર્થીને સવાલનો જવાબ ન આપવા બદલ ઠપકો આપ્યો હતો, એપ તપાસ કરી રહેલી પોલીસે જણાવ્યું હતું. તપાસમાં આરોપી વિદ્યાર્થી લંચ-બોક્સમાં પિસ્તોલ શાળામાં લાવ્યો હોવાનું બહાર આવ્યું હતું.
આ બનાવની વિગત મુજબ શ્રી ગુરુનાનક સિનિયર સેકન્ડરી સ્કૂલના શિક્ષક ગગનદીપસિંહ કોહલી બુધવારના રોજ સવારે પોણા દસ વાગ્યે ફિઝીક્સનો વર્ગ લેવા માટે આવ્યા હતા.દરમિયાન રિશેષ પડતા તેઓ વર્ગખંડમાંથી બહાર નીકળ્યા હતા. બીજીતરફ પાછળથી એક વિદ્યાર્થીએ ટિફિન બોક્સમાંથી પિસ્તોલ કાઢી અને તેમના પર ગોળી ચલાવી હતી. વિદ્યાર્થીએ ભાગવાનો પ્રયાસ કર્યો પણ શિક્ષકોએ તેને પકડી લીધો. ઘાયલ શિક્ષકને ખાનગી હોસ્પિટલમાં લઈ જવામાં આવ્યા.
એએસપી અભય સિંહે જણાવ્યું કે શિક્ષકની ફરિયાદના આધારે સગીર આરોપી સામે કેસ નોંધવામાં આવ્યો છે. તેને પોલીસ સુરક્ષા હેઠળ લેવામાં આવ્યો છે.ત્રણ કલાકના ઓપરેશન બાદ ગોળી કાઢી ગોળીથી ઘાયલ થયા બાદ ખાનગી હોસ્પિટલમાં દાખલ શિક્ષકના ત્રણ કલાકના ઓપરેશન બાદ ગોળી કાઢી લેવામાં આવી. હોસ્પિટલના સર્જન ડો. મયંક અગ્રવાલે જણાવ્યું હતું કે ગોળી ગરદન પર કરોડરજ્જુ પાસે ફસાઈ ગઈ હતી, જેને કાઢી નાખવામાં આવી છે. ઘાયલ શિક્ષકને આઈસીયુમાં રાખવામાં આવ્યા છે. 72 કલાક પછી જ તેમની સ્થિતિ જાણી શકાશે.
બે દિવસ પહેલાં શિક્ષકે તેને થપ્પડ મારી હતી બે દિવસ પહેલાં ધોરણ 9માં અભ્યાસ કરતા એક સગીર વિદ્યાર્થીએ થપ્પડના ગુસ્સામાં શિક્ષક પર ગોળી મારી હતી, જોકે વિદ્યાર્થીએ સમગ્ર ઘટના જણાવી. કુંડેશ્વરી ચોકી વિસ્તારનો રહેવાસી, ધોરણ 9નો વિદ્યાર્થી શરૂઆતથી જ કુંડેશ્વરી રોડ પર સ્થિત શ્રી ગુરુનાનક સિનિયર સેકન્ડરી સ્કૂલમાં અભ્યાસ કરે છે. વિદ્યાર્થીએ આરોપ લગાવ્યો છે કે સોમવારે શિક્ષક ગગનદીપ સિંહ કોહલીએ ફિઝિક્સના વર્ગ દરમિયાન તેને એક સવાલ પૂછ્યો હતો. તેણે કહ્યું કે તેણે તેનો જવાબ આપ્યો હતો, પરંતુ શિક્ષકે તેને થપ્પડ મારી હતી, જે તે સહન કરી શક્યો નહીં.
આ ઘટના ઇન્ટર્વલ દરમિયાન બની હતી બુધવારે તે ઘરેથી તેની બેગમાં ટિફિનમાં પિસ્તોલ લાવ્યો હતો. ગગનદીપ સિંહ ચોથા પિરિયડમાં ક્લાસ લેવા આવ્યા હતા. ક્લાસ પૂરો થતાં જ ઇન્ટર્વલની ઘંટડી લગભગ 10.30 વાગ્યે વાગી. બેલ વાગતાંની સાથે જ કેટલાક વિદ્યાર્થીઓ પણ વર્ગમાંથી બહાર નીકળી ગયા. આ દરમિયાન, આરોપી વિદ્યાર્થીએ ટિફિનમાંથી પિસ્તોલ કાઢી અને પાછળથી શિક્ષક પર ગોળી ચલાવી દીધી.
પોલીસ પૂછપરછ દરમિયાન વિદ્યાર્થીએ જણાવ્યું હતું કે પિસ્તોલ ઘરે કબાટમાં રાખવામાં આવી હતી અને તે કબાટમાંથી કાઢીને ટિફિનમાં રાખી શાળામાં લાવ્યો હતો. ઘટના પછી આરોપી વિદ્યાર્થીના પિતા પણ ફરાર થઈ ગયા હતા, પરંતુ બાદમાં તેઓ પાછા ફર્યા હતા. પોલીસ આરોપીના પિતાની પણ પૂછપરછ કરી રહી છે કે પિસ્તોલ ઘરમાં કેવી રીતે આવી.
પોલીસના જણાવ્યા અનુસાર, શિક્ષક પર ગોળીબાર કરનાર આરોપી વિદ્યાર્થીના પિતા ખેડૂત છે. એવું કહેવામાં આવી રહ્યું છે કે આરોપી વિદ્યાર્થી બે બહેનો અને એક ભાઈમાં સૌથી નાનો છે. મોટી બહેન પરિણીત છે. જ્યારે એક બહેન ઇન્ટરમીડિયેટ પૂર્ણ કર્યા પછી કેનેડા ગઈ છે. કુંડેશ્વરી ચોકી ઇન્ચાર્જ ચંદન સિંહ બિષ્ટે જણાવ્યું હતું કે આરોપીના પિતા સામે ઘણાં વર્ષો પહેલાં હત્યાના પ્રયાસ અને માર્ગ અકસ્માતનો કેસ નોંધાયેલો છે. છેલ્લાં ઘણાં વર્ષોથી આરોપી વિદ્યાર્થીના પિતા સામે કોઈ કેસ નથી. હાલમાં આરોપી વિદ્યાર્થીનો કોઈ ઝઘડો પણ થયો નથી.
ફોરેન્સિક ટીમે પુરાવા એકત્રિત કર્યા, પિસ્તોલ મળી ઘટના પછી માહિતી મળતાં ફોરેન્સિક ટીમ શાળામાં પહોંચી અને ગુનાના સ્થળનું નિરીક્ષણ કર્યું અને પુરાવા એકત્રિત કર્યા. ટીમે આરોપી વિદ્યાર્થીને સાથે લઈ જઈ ગુનાના સ્થળની તપાસ કરી અને પુરાવા એકત્રિત કર્યા. ટીમે ઘટનામાં વપરાયેલી 315 બોરની પિસ્તોલ અને એક શેલ પણ જપ્ત કર્યો, જેને પોલીસે કસ્ટડીમાં લીધો હતો. પોલીસે સમગ્ર મામલાની તપાસ શરૂ કરી છે. શિક્ષક 15 વર્ષથી શાળામાં પોસ્ટેડ છે
શિક્ષક ગગનદીપ કોહલી 15 વર્ષથી વધુ સમયથી સ્કૂલમાં પોસ્ટેડ છે. આજ સુધી તેમના વિરુદ્ધ કોઈ ફરિયાદ મળી નથી. આરોપી વિદ્યાર્થી પણ શરૂઆતથી જ શાળામાં અભ્યાસ કરે છે. આચાર્ય વીકે મલિકે જણાવ્યું હતું કે વિદ્યાર્થી વિરુદ્ધ અત્યારસુધી કોઈ ફરિયાદ મળી નથી.35થી વધુ બાળકો વર્ગમાં હતા, ભાગદોડ થઈ જે વર્ગમાં ઘટના બની હતી ત્યાં 41 બાળકો અભ્યાસ કરે છે. બુધવારે ઘટના સમયે વર્ગમાં લગભગ 35 બાળકો હતાં. ઇન્ટર્વલ બેલ વાગતાં તેમાંથી કેટલાંક વર્ગમાંથી બહાર નીકળી ગયા.
કેટલાંક બાળકો અંદર પણ હતાં. વર્ગની ચોથી હરોળમાં બેઠેલા આરોપી વિદ્યાર્થીએ ગોળી ચલાવી અને અવાજ આવતાંની સાથે જ વર્ગની અંદર બેઠેલા વિદ્યાર્થીઓ ડરથી બેસી ગયા. શાળાની અંદર ગોળીનો અવાજ સાંભળીને અન્ય વિદ્યાર્થીઓ અને શિક્ષકોમાં ગભરાટ ફેલાઈ ગયો. બાદમાં વિદ્યાર્થીઓને પાછા મોકલી દેવામાં આવ્યા.હાલમાં પોલીસ આ અંગે ઝીણવટભરી તપાસ કરી રહી છે.
આ પણ વાંચો:NEET UG જાપાન ભારતીય વિદ્યાર્થીઓ માટે નવું મેડિકલ ડેસ્ટિનેશન બની રહ્યું છે,જાણો કારણ
આ પણ વાંચો:FASTag Annual Passનું બુકિંગ શરૂ કરવામાં આવ્યું, માત્ર 3 સરળ સ્ટેપમાં થશે કાર્યરત
