America News: ન્યૂ યોર્ક શહેરના ચૂંટાયેલા મેયર ઝોહરાન મમદાની શુક્રવારે વ્હાઇટ હાઉસ ખાતે રાષ્ટ્રપતિ ડોનાલ્ડ ટ્રમ્પ સાથે મુલાકાત કરશે. ટ્રમ્પે બુધવારે રાત્રે આ મુલાકાતની જાહેરાત કરતા ટ્રમ્પે કહ્યું કે મમદાનીએ આ માટે વિનંતી કરી હતી.
ટ્રમ્પે વારંવાર મમદાની પર હુમલો કર્યો છે, અને કહ્યું છે કે તેમની જીત ન્યૂ યોર્ક માટે વિનાશક રહેશે. તેમના સલાહકારોએ મમદાનીને હરાવવા માટે ચૂંટણીમાં દખલ કરવાનો પ્રયાસ કર્યો અને તેમના મુખ્ય પ્રતિસ્પર્ધી, ભૂતપૂર્વ ગવર્નર એન્ડ્રુ કુઓમોને ટેકો આપ્યો. જોકે, ખાનગી રીતે, ટ્રમ્પે મમદાનીને પ્રતિભાશાળી રાજકારણી તરીકે વર્ણવ્યા છે, તેમને સ્માર્ટ અને તેજસ્વી વક્તા ગણાવ્યા છે.
મામદાનીએ ડોનાલ્ડ ટ્રમ્પ સાથેની તેમની મુલાકાતની પુષ્ટિ કરી
મામદાનીએ ડોનાલ્ડ ટ્રમ્પ સાથેની તેમની મુલાકાતની પુષ્ટિ કરી છે. તેઓ રાષ્ટ્રપતિની ઇમિગ્રેશન નીતિઓ અને શહેરને ફેડરલ ભંડોળ કાપવાની ધમકીઓના તીવ્ર ટીકાકાર રહ્યા છે.
તેમણે બુધવારે રાત્રે એક ઇન્ટરવ્યુમાં કહ્યું હતું કે તેમની ટીમે ટ્રમ્પ સાથે ન્યૂ યોર્કવાસીઓની ચિંતાઓ વિશે વાત કરવાનો પ્રયાસ કર્યો હતો. તેમણે કહ્યું.”હું રાષ્ટ્રપતિ સાથે સ્પષ્ટ થવા માંગુ છું કે ન્યૂ યોર્કવાસીઓ માટે ઊભા રહેવાનો અર્થ શું છે અને ન્યૂ યોર્કવાસીઓ કેવી રીતે સંઘર્ષ કરી રહ્યા છે,
ટ્રમ્પને મળતા પહેલા મમદાનીએ કહી આ વાત
ટ્રમ્પને મળતા પહેલા, મમદાનીએ એક ઇન્ટરવ્યુમાં કહ્યું, “મારા રાષ્ટ્રપતિ સાથે ઘણા મતભેદો છે, અને મારું માનવું છે કે આપણે અથાક મહેનત કરવી જોઈએ અને એવા બધા રસ્તાઓ અને માર્ગો અપનાવવા જોઈએ જે આપણા શહેરને ન્યૂ યોર્કરને સારૂં બનાવી શકે.
તેમણે વધુમાં કહ્યું, “હું રાષ્ટ્રપતિ ટ્રમ્પને સ્પષ્ટ કરવા માંગુ છું કે હું તેમની સાથે એવા કોઈપણ એજન્ડા પર કામ કરીશ જે ન્યૂ યોર્કર્સને ફાયદો પહોંચાડે. જો કોઈ એજન્ડા ન્યૂ યોર્કર્સને નુકસાન પહોંચાડે છે, તો હું ના પાડનાર પ્રથમ વ્યક્તિ હોઈશ.”
આ પણ વાંચો: ડોનાલ્ડ ટ્રમ્પના વહીવટીતંત્રની H-1B વિઝા નીતિમાં મોટા ફેરફારો કરવાની તૈયારી
આ પણ વાંચો: અમેરિકાએ ઈરાનને મદદના આરોપે ભારત સહિત 7 દેશો પર લગાવ્યા પ્રતિબંધો
આ પણ વાંચો: અમેરિકાના રાષ્ટ્રપતિ ડોનાલ્ડ ટ્રમ્પે કહ્યું કે સરકારી શટડાઉનનો અંત નજીક
