ઇરાનની કોરોના વાયરસ ટાસ્ક ફોર્સે ઓફિસમાં તેના ત્રીજા ભાગના કર્મચારીઓની હાજરીનો આદેશ આપ્યો છે, શહેરોમાં મોટાભાગની દુકાનોને ‘રેડ ઝોન’ જાહેર કરાઈ છે. રાજધાની તેહરાન અને દેશના 250 અન્ય શહેરો અને નગરોને ‘રેડ ઝોન’ તરીકે ઘોષિત કરવામાં આવ્યા છે. અધિકારીઓએ કહ્યું કે આ સ્થળોએ કોરોના વાયરસના ચેપનું પ્રમાણ વધારે છે. આવી સ્થિતિમાં કડક નિયંત્રણો લાદવામાં આવ્યા છે. તેમણે કહ્યું કે દેશના 85 ટકાથી વધુ ચેપના સ્તર પ્રમાણે ‘લાલ અથવા નારંગી’ ક્ષેત્રમાં છે.
અધિકારીઓએ જણાવ્યું હતું કે પારસી નવા વર્ષ નવરોઝને કારણે બે અઠવાડિયાના ઉત્સવમાં બજારોમાં ભારે ભીડ જોવા મળી હતી અને સરકારી આરોગ્ય નિયમોનું ઉલ્લંઘન કરીને સમારોહ યોજાયો હતો, જેના પગલે કોરોના કેસમાં મોટો વધારો થયો હતો. તેમણે જણાવ્યું હતું કે તમામ ઉદ્યાનો, રેસ્ટોરાં, બેકરીઓ, બ્યુટી પાર્લરો અને મોલ્સ પણ લોકડાઉન હેઠળ આવશે. ઇરાનના સ્વાસ્થ્ય મંત્રાલયના જણાવ્યા અનુસાર, શનિવારે દેશમાં ચેપના 19,600 થી વધુ નવા કેસ નોંધાયા છે, જ્યારે 193 દર્દીઓનાં મોત નીપજ્યાં છે.
