નવી દિલ્હી,
ગ્લોબલ મેસેન્જર સાઈટ ફેસબુક સતત પોતાના યુઝર્સના ડેટાની પ્રાઈવસીને લીક કરવાને લઇ વિવાદોમાં ઘેરાયેલી રહી છે, આ વચ્ચે વધુ એકવાર ફેસબુકને લઈ ડેટા લીક થવાને લઈ એક મામલો સામે આવ્યો છે.
એક રિસર્ચમાં સાબિત થયું છે કે, ફેસબુક એપનો ઉપયોગ કરનારા કે ન કરવાવાળા લોકો તેમજ એ તમામ યુઝર્સના ડેટા ટ્રેક કરે છે જેઓએ યુઝ જ બંધ કરી દીધો છે.
આ રિસર્ચ યુકેની પ્રાઈવસી ઇન્ટરનેશનલ દ્વારા કરાયું છે, જેમાં બતાવવામાં આવ્યું, ફેસબુક હંમેશા યુઝર્સ, નોન યુઝર્સ તેમાહ ફેસબુક એકાઉન્ટ બંધ કરી ચુકેલા લોકોના ડેટા ટ્રેક કરે છે.
આ ઉપરાંત એ પણ સામે આવ્યું છે કે, આ ગ્લોબલ જાયન્ટ કંપની પોતાના પ્લેફોર્મથી હટીને પણ લોકોના ડેટા ટ્રેક કરે છે. આ ઉપરાંત સામે આવ્યું છે કે, ડેવલોપર્સ ફેસબુક સોફ્ટવેર ડેવલોપમેન્ટ કીટ દ્વારા ફેસબુક સાથે ડેટા શેર કરે છે.
આ પ્રાઈવસી ઇન્ટરનેશનલ દ્વારા આ રિસર્ચ માટે ૩૪ એન્ડ્રોઇડ એપ્સની તપાસ કરાઈ છે, જેને ૧૦ થી ૫૦૦ મિલિયન વખત ઇન્સ્ટોલ કરવામાં આવી છે. આ એપ્સમાં લેન્ગવેજ-લર્નિંગ એપ, Duolingo, ટ્રાવેલ એપ સહિતની એપ્લીકેશન શામેલ છે.