કન્ફેડરેશન ઓફ ઓલ ઈન્ડિયા (CAIT) એ ઈ-કોમર્સ કંપની ફ્લિપકાર્ટ અને મેગાસ્ટાર અમિતાભ બચ્ચન વિરુદ્ધ ગ્રાહક બાબતોના મંત્રાલયમાં ફરિયાદ દાખલ કરી છે. CAT એ આગામી બિગ બિલિયન ડેઝ સેલ અંગે ફ્લિપકાર્ટ દ્વારા બહાર પાડવામાં આવેલી જાહેરાતને ભ્રામક ગણાવી છે, જેમાં બચ્ચને દર્શાવ્યા છે.
વેપારીઓના સંગઠન કન્ફેડરેશન ઓફ ઓલ ઈન્ડિયા ટ્રેડર્સે ફ્લિપકાર્ટની આ જાહેરાત માટે અમિતાભ બચ્ચનની ટીકા કરી છે, આ જાહેરાતને અત્યંત ભ્રામક ગણાવી છે અને ગ્રાહક સુરક્ષા અધિનિયમની કલમ 2 (47) હેઠળ બિગ બી વિરુદ્ધ કાર્યવાહી કરવાની માંગ કરી છે. આ ઉપરાંત ફ્લિપકાર્ટ અને બચ્ચન પર 10 લાખ રૂપિયાનો દંડ લગાવવાની પણ માગ કરવામાં આવી છે.
ફરિયાદમાં જણાવાયું છે કે જાહેરાતમાં એક જગ્યાએ અમિતાભ બચ્ચન ગ્રાહકોને કહી રહ્યા છે કે બિગ બિલિયન ડે સેલમાં મોબાઈલ ફોન પર ઓનલાઈન ઉપલબ્ધ ડીલ્સ રિટેલ સ્ટોર્સ પર ઑફલાઈન ઉપલબ્ધ રહેશે નહીં. CAITનું કહેવું છે કે ફ્લિપકાર્ટ બચ્ચન દ્વારા ગ્રાહકોમાં કિંમતો અંગે ભ્રમણા ફેલાવી રહી છે, જે કાયદાનું ઉલ્લંઘન છે.
આ પણ વાંચો:ધાસુ એક્શન સાથે રવિ તેજાની ફિલ્મ ‘ટાઈગર નાગેશ્વર રાવ’નું ટ્રેલર થયું રિલીઝ
આ પણ વાંચો:અક્ષય કુમારની OMG 2 આ દિવસે OTT પર રિલીઝ થશે, જાણો તમે ક્યારે અને કેવી રીતે ફિલ્મ જોઈ શકશો