આસામ-મિઝોરમ સરહદ વિવાદને લઈને શનિવારે ફરી તણાવ વધ્યો. આસામની સરહદ હૈલાકાંડી જિલ્લામાં એક શાળામાં બોમ્બ બ્લાસ્ટ બાદ તણાવ વધ્યો છે. વિસ્ફોટમાં શાળાની દીવાલને નુકસાન થયું હતું, કોઈને ઈજા થઈ ન હતી.હૈલાકાંડી એસપી ગૌરવ ઉપાધ્યાયના જણાવ્યા અનુસાર શાળામાં વિસ્ફોટની પુષ્ટિ થઈ છે. વરિષ્ઠ અધિકારીઓ પરિસ્થિતિનો તાગ મેળવવા સ્થળ પર પહોંચી ગયા છે. બોમ્બ બ્લાસ્ટની આ ઘટના હૈલાકાંડી જિલ્લાના ગુટગુટીમાં બની હતી. આ ઘટના બાદ બંને રાજ્યો વચ્ચે ફરી તણાવ વધતો જણાય છે. આ ભૂતપૂર્વ પ્રાથમિક શાળાની એક દીવાલને બ્લાસ્ટને કારણે નુકસાન થયું હતું. સદ્ભાગ્યે કોઈને તેની અસર થઈ નથી. આ શાળા આસામ અને મિઝોરમની બોર્ડર પર આવેલી છે. હાલમાં તે કોરોના સંકટને કારણે બંધ હતું અને રાતના સમયે બ્લાસ્ટ દરમિયાન ત્યાં કોઈ નહોતું.
ઉલ્લેખનીય છે કે થોડા દિવસો પહેલા જ બંને રાજ્યો વચ્ચે સરહદી વિવાદને લઈને હિંસક સંઘર્ષ થયો હતો. આમાં આસામ પોલીસના છ પોલીસકર્મીઓ માર્યા ગયા હતા. ત્યારબાદ મિઝોરમે આસામ બોર્ડર બ્લોક કરી દેવામાં આવી હતી . આસામના મુખ્યમંત્રી હિમંત બિસ્વા સરમાએ દિલ્હીમાં પીએમ મોદી સાથેની મુલાકાત દરમિયાન સરહદી વિવાદ પર ચર્ચા કરી હતી. બંને રાજ્યો વચ્ચે 9 ઓગસ્ટથી વાહન વ્યવહાર ફરી શરૂ થયો હતો અને ફરી પરિસ્થિતિ ગંભીર બની છે.
