અફઘાનિસ્તાનમાં તાલિબાનનાં આતંક બાદ લોકોનું જીવન મુશ્કેલ બની ગયું છે. હવે લોકોને ખાણી-પીણીની કિંમતો પણ હજારોમાં ચૂકવવી પડી રહી છે. આ સમયે હજારો લોકો કાબુલ એરપોર્ટની બહાર એકઠા થયા છે. એક અંદાજ મુજબ લગભગ 10 લાખ લોકો દેશ છોડવા માંગે છે. પરંતુ બુધવાર સાંજ સુધી માત્ર 82,300 લોકોને બહાર કાઠવામાં આવ્યા હતા. જેમા મોટાભાગનાં લોકો વિદેશી નાગરિકો હતા અથવા તેમની પાસે કોઇ અન્ય દેશનાં વિઝા હતા.
આ પણ વાંચો – અફઘાનિસ્તાન સંકટ / અમેરિકાએ જાહેર કર્યુ એલર્ટ, કાબુલ એરપોર્ટ બન્યુ ખતરનાક
અફઘાનિસ્તાનનાં સામાન્ય લોકો નરક જેવી સ્થિતિમાં એરપોર્ટની બહાર તેમનો સમય આવવાની રાહ જોઈ રહ્યા છે. જેમા ઘણા લોકોએ આજે એરપોર્ટમાં પ્રવેશવા માટે ગંદા ગટરમાંથી પસાર થવાનો પ્રયાસ કર્યો હતો. એરપોર્ટનાં આ ભાગમાં 10 મિનિટ સુધી ઉભા રહેવું પણ ઘણું મુશ્કેલ છે, પરંતુ આ લોકો છેલ્લા ઘણા દિવસોથી ત્યાં ઉભા છે. અફઘાનિસ્તાનમાં તાલિબાનનો કબ્જો થયો ત્યારથી ચારે બાજુ અરાજકતાનું વાતાવરણ છે. લોકો તાલિબાનનાં ડરથી વિમાનમાં સવાર થવા માટે કાબુલ એરપોર્ટ પર ધસી રહ્યા છે, તેઓ મનમાં વિચારી રહ્યા છે કે કોઈ દેશ તેમને આશ્રય આપશે. અમેરિકા સહિત ઘણા દેશો પણ તેમના નાગરિકોને બહાર કાઠવાનો પ્રયાસ કરી રહ્યા છે, પરંતુ અફઘાનિસ્તાનમાંથી બહાર નીકળવાની આશા રાખતા હજારો લોકો છે. આ જ કારણ છે કે, લોકો કાબુલ એરપોર્ટ પર એકઠા થયા છે. અરાજકતા અને ભયનાં વાતાવરણનો કેવી રીતે લાભ લેવામાં આવી રહ્યો છે, તમે એ હકીકતનો અંદાજો એ વાતથી લગાવી શકો છો કે એરપોર્ટ નજીક પાણીની બોટલની કિંમત હજારો રૂપિયામાં છે.
આ પણ વાંચો – Alert! / તાલિબાનીઓનાં હાથમાં આવ્યું અમેરિકન હેલિકોપ્ટર, કંધાર એરપોર્ટ પર ઉડાવતા જોવા મળ્યા
અફઘાનિસ્તાન છોડવા માટે ભયાવહ લોકો કાબુલ એરપોર્ટની બહાર મોટી સંખ્યામાં હાજર છે. તેમને જ્યાં પણ જગ્યા મળી રહી છે ત્યાં તે તેમનો સમયની રાહ જોઈને બેઠા છે. આનું પરિણામ એ છે કે ત્યાં ખાવા -પીવાની વસ્તુઓ આકાશને આંબતા ભાવે ઉપલબ્ધ છે. સમાચાર એજન્સી રોઇટર્સ અનુસાર, એક અફઘાન નાગરિકે કહ્યું કે, ખાદ્યપદાર્થો અને પાણી અતિશય ભાવે વેચવામાં આવી રહ્યા છે. એક રીતે, અફઘાનો બેવડા ઝટકાનો સામનો કરી રહ્યા છે. એક તરફ તાલિબાન જુલમ કરી રહ્યું છે અને બીજી બાજુ મોંઘવારી તેમને મારી રહી છે. અફઘાન નાગરિક ફઝલ-ઉર-રહેમાને રોઇટર્સ ન્યૂઝ એજન્સીને જણાવ્યું હતું કે, કાબુલ એરપોર્ટ પર પાણીની એક બોટલ US $ 40, અથવા લગભગ 3,000 રૂપિયા (2,964.81) અને ચોખાની પ્લેટ US $ 100 અથવા લગભગ 7500 રૂપિયામાં વેચાય છે. આશ્ચર્યની વાત એ છે કે આ વસ્તુઓ માત્ર ડોલરમાં વેચવામાં આવી રહી છે અફઘાની ચલણમાં નહીં. જો કોઈ પાણી અથવા ખોરાકની બોટલ ખરીદવા માંગે છે, તો તેણે અફઘાન ચલણમાં નહીં પણ યુએસ ડોલરમાં ચૂકવણી કરવી પડશે.
