ઇઝરાયેલે શુક્રવારે વહેલી સવારે ગાઝા પર બોમ્બમારો કર્યો અને દક્ષિણી પ્રદેશમાં એવા સ્થળો પર હુમલો કર્યો જ્યાં પેલેસ્ટિનિયનોને સુરક્ષા કારણોસર જવા માટે કહેવામાં આવ્યું હતું. આ સાથે, ઇઝરાયેલ ઉત્તરીય સરહદ પર લેબનોન નજીકના તેના મુખ્ય શહેરોમાંથી એકને ખાલી કરી રહ્યું છે, જે સૂચવે છે કે તે ગાઝામાં જમીન પર હુમલો કરી શકે છે. ગાઝામાં પેલેસ્ટિનિયનોએ કહ્યું કે દક્ષિણ વિસ્તારમાં સ્થિત ખાન યુનિસ પર ભારે હવાઈ હુમલો કરવામાં આવ્યો છે. ઘાયલ લોકોને એમ્બ્યુલન્સ દ્વારા નાસેર હોસ્પિટલમાં લઈ જવામાં આવ્યા હતા, જે પહેલાથી જ દર્દીઓ અને આશ્રય શોધી રહેલા લોકોથી ભરેલી હતી.
નાસેર હોસ્પિટલ ગાઝાની બીજી સૌથી મોટી હોસ્પિટલ છે. 100 થી વધુ લક્ષ્યો પર હુમલો ઇઝરાયેલી સેનાએ કહ્યું કે તેણે ગાઝામાં હમાસ શાસકો સાથે જોડાયેલા 100 થી વધુ લક્ષ્યો પર હુમલો કર્યો છે. આ થાણાઓમાં એક ટનલ અને હથિયારોના ડેપોનો પણ સમાવેશ થાય છે. ગાઝા પટ્ટીમાં 10 લાખથી વધુ લોકો વિસ્થાપિત થયા છે, જેમાંથી ઘણાએ વિસ્તાર ખાલી કરવાના ઇઝરાયલી આદેશોનું પાલન કર્યું હતું.
યુએનના અધિકારીઓએ જણાવ્યું હતું કે સમગ્ર ગાઝા પટ્ટી પર હુમલાના કારણે કેટલાક પેલેસ્ટિનિયનો ત્યાંથી ભાગીને ઉત્તર તરફ પાછા ફર્યા હતા. યુએન હ્યુમન રાઇટ્સ ઓફિસના પ્રવક્તા રવિના શામદાસાનીએ જણાવ્યું હતું કે, દક્ષિણ પ્રદેશમાં જીવનની નબળી સ્થિતિ સાથે જોડાયેલા હુમલાઓએ લોકોને ઉત્તર તરફ પાછા ફરવાની ફરજ પાડી હોવાનું જણાય છે. સહાય સામગ્રી અટકી છે ગાઝાની ભીડભાડવાળી હોસ્પિટલો જનરેટર માટે તબીબી પુરવઠો અને બળતણનું રેશનિંગ કરી રહી છે કારણ કે ઇજિપ્તમાંથી ખૂબ જ જરૂરી સહાય આવવાની બાકી છે. ગાઝાની હોસ્પિટલોમાં, ડોકટરોએ મોબાઈલ ફોનની લાઈટ દ્વારા અંધારાવાળા વોર્ડમાં શસ્ત્રક્રિયા કરી અને ઘાવની સારવાર માટે સરકોનો ઉપયોગ કર્યો. આશરે 3,000 ટન સહાય સામગ્રી વહન કરતી 200 થી વધુ ટ્રકો રસ્તામાં અટવાઈ છે કારણ કે હવાઈ હુમલામાં નુકસાન પામેલા રસ્તાનું હજુ પણ સમારકામ કરવામાં આવ્યું નથી. જોકે, શુક્રવારે રસ્તાના સમારકામની કામગીરી શરૂ કરવામાં આવી હતી અને મશીનોની મદદથી ખાડાઓ પુરવાના પ્રયાસો હાથ ધરાયા છે.
