Narmada News : નર્મદામાં વિકસિત ગુજરાતને શર્મ સાર કરતો વિડીયો વાયરલ થતા ચકચાર મચી ગઈ છે. જેમાં એક મહિલા ખુલ્લા જંગલમાં બાળકને જન્મ આપવા મજબૂર બની હતી. આ બનાવની વિગત મુજબ રસ્તાના અભાવે ગર્ભવતી મહિલાને લાકડાના બે દંડા વચ્ચે ઝોલી બનાવીને હોસ્પિટલ લઈ જવામાં આવી હતી.
બીજીતરફ મહિલાને હોસ્પિટલ જતા રસ્તામાં જંગલમાં જ પ્રસવ પીડા ઉપડી હતી. જેને કારણે મહિલાએ ખુલ્લા જંગલમાં બાળકને જન્મ આપ્યો હતો. આ ખુલ્લા જંગલમાં 10 કિલોમીટરમાં રસ્તો ન હોવાથી લોકો ભારે મુસ્કેલીનો સામનો કરી રહ્યા છે. જેને કારણે કોઈ વાહનોની અવરદવર પણ થઈ શકતી નથી.
અહીંના ચાપટ ગામમાં ત્રણ પેટા ફળિયા છે. જેમાં એક ચાપટ ફળિયુ, બીજું તીલખડી અને ત્રીજુ ગમડ ફળિયાનો સમાવેશ થાય છે. જેને પગલે ગ્રામજનોએ વિડીયો બનાવીને પોતાની પીડા વ્યક્ત કરી છે.
