ગુજરાતના અનેક ભાગોમાં ભારે વરસાદે તારાજી સર્જી છે. સૌરાષ્ટ્રના મોટાભાગના જિલ્લાઓમાં અવિરત વરસાદ પડી રહ્યો છે. આ સાથે ગીર-સોમનાથ જિલ્લામાં રાતભર પડેલા વરસાદથી જનજીવન અસ્તવ્યસ્ત થઈ ગયું છે. જિલ્લામાં અનેક ઘરોમાં પાણી ઘૂસી ગયા છે.
વરસાદના કારણે જનજીવન અસ્તવ્યસ્ત
જણાવી દઈએ કે જૂનાગઢમાં બુધવાર સવારથી જ ભારે વરસાદ પડી રહ્યો છે. હવામાન વિભાગે આપેલી માહિતી મુજબ જૂનાગઢમાં આજે સવારે 6 થી 8 વાગ્યા સુધીના બે કલાકમાં ભારે વરસાદ પડ્યો છે. ભારે વરસાદ બાદ અનેક જગ્યાએ પૂર જેવી સ્થિતિ સર્જાઈ છે.
તે જ સમયે, બુધવારે સવારે ફરીથી વરસાદ શરૂ થયો હતો. સવારે 6 થી 10 વાગ્યા સુધીના ચાર કલાકમાં જૂનાગઢ જિલ્લાના માંગરોળમાં 8.9 ઈંચ, માળીયાહાટીનામાં 6.2 ઈંચ, વેરાવળમાં 4.2 ઈંચ, સુત્રાપાડા અને સૌરાષ્ટ્રના અન્ય જિલ્લાઓમાં 2.7 ઈંચ વરસાદ નોંધાયો હતો.
સૌથી વધુ અસર ગીર-સોમનાથ
મળતી માહિતી મુજબ છેલ્લા 24 કલાકમાં ગુજરાતમાં સૌથી વધુ ગીર-સોમનાથ જિલ્લાના સુત્રાપાડામાં 22 ઈંચ, વેરાવળમાં 19 ઈંચ, તાલાલા અને ધોરાજીમાં 12 ઈંચ, કોડીનારમાં 9 ઈંચ, માંગરોળમાં 8 ઈંચ વરસાદ નોંધાયો છે.
હવામાન વિભાગે 19 જુલાઈના બપોરના 1 વાગ્યા સુધીની આગાહી કરી છે જેમાં જુનાગઢમાં અતિભારે વરસાદની સંભાવના વ્યક્ત કરીને રેડ એલર્ટ આપવામાં આવ્યું છે. મહત્વનું છે કે, સવારથી જુનાગઢના માંગરોળ, માળિયા હાટીના, કેશોદ, જુનાગઢ શહેર, મેંદરડામાં વરસાદ થઈ રહ્યો છે.
બપોરના સમય સુધીની જે આગાહી કરવામાં આવી છે તેમાં સૌરાષ્ટ્રના પોરબંદર, રાજકોટ, અમરેલી, ગીર સોમનાથ, ભાવનગર, દીવ માટે ઓરેન્જ એલર્ટ આપવામાં આવ્યું છે. આ ભાગોમાં પણ રાત્રે તથા સવારથી સારા પ્રમાણમાં વરસાદ વરસી રહ્યો છે. આ સિવાય દક્ષિણ ગુજરાત તથા મધ્ય ગુજરાતના ભાગો માટે પણ ઓરેન્જ એલર્ટ આપવામાં આવ્યું છે.
સૌથી વધુ વરસાદથી પ્રભાવિત જિલ્લાઓમાં ગીર સોમનાથ, જૂનાગઢ અને રાજકોટ છે. આકાશમાંથી એટલું પાણી વરસ્યું કે શેરીઓ અને ઘરોમાં પાણી ભરાઈ ગયા. વરસાદના પાણીમાં વાહનો ડૂબી ગયા હતા. શહેર સમુદ્ર જેવું લાગતું હતું. ઠેર-ઠેર પાણી ભરાઈ જવાથી લોકો ખરાબ રીતે પ્રભાવિત થયા હતા.
આ સાથે વેરાવળના સોનિયારા, કાજલી, મીઠાપુરમાં પણ જળબંબાકારની સ્થિતિ સર્જાઈ છે. વેરાવળ રેલવે સ્ટેશન પાસેની સોસાયટીમાં પાણી ભરાયા હતા. પરિસ્થિતિને જોતા એનડીઆરએફની ટીમને સોનિયારા ગામમાં મોકલવામાં આવી હતી. આ સિવાય ઘણા લોકોને તેમના ઘરોમાંથી બહાર કાઢીને અન્ય સ્થળોએ મોકલવામાં આવ્યા છે.
હવામાન વિભાગ દ્વારા આગામી 5 દિવસ સાર્વત્રિક વરસાદની આગાહી કરવામાં આવી છે. હવામાન વિભાગ દ્વારા આજે સુરત, ભરૂચ, ગીર સોમનાથ, જૂનાગઢ અને અમરેલીમાં ઓરેન્જ એલર્ટ જાહેર કરવામાં આવ્યું છે. તો સાથે જ બનાસકાંઠા જેવા ગુજરાત પ્રદેશના જિલ્લાઓમાં છૂટાછવાયા સ્થળોએ ભારે વરસાદની સંભાવના છે. મહેસાણા, સાબરકાંઠા, અરવલ્લી, દાહોદ, મહિસાગર, પંચમહાલ, છોટા ઉદેપુર, નવસારી, વલસાડ અને દમણ, દાદરા નગર હવેલીમાં, સૌરાષ્ટ્રના જિલ્લાઓમાં એટલે કે રાજકોટ, જૂનાગઢ, અમરેલી, ભાવનગર અને ગીર સોમનાથમાં પણ ભારે વરસાદની આગાહી છે.
આ પણ વાંચો:ગુજરાતમાં મુશળધાર વરસાદ,રાજકોટમાં ધોરાજી ડૂબ્યું પાણીમાં; IMDએ યલો અને ઓરેન્જ એલર્ટ કર્યું જારી
આ પણ વાંચો:ગુજરાતમાં ‘પુષ્પા’ સ્ટાઈલથી દારૂની હેરાફેરી, એમ્બ્યુલન્સ અને ફાયર બ્રિગેડ પાસેથી સેંકડો બોટલો જપ્ત
આ પણ વાંચો:રાજ્યમાં મેઘરાજાની વધુ એક ઇનિંગનો પ્રારંભઃ છેલ્લા 24 કલાકમાં ક્યાં-ક્યાં પડ્યો વરસાદ
