Ahmedabad News: અમદાવાદના ચાંદખેડા વિસ્તારમાં સગીરા સાથે દુષ્કર્મ અને શારીરિક અડપલાં (Minor Abuse Case)નો ગંભીર મામલો સામે આવ્યો છે. પોલીસ ફરિયાદ મુજબ, સગીરાની માતાના બીજા લગ્ન બાદ સાથે રહેતા સાવકા પિતા પર છેલ્લા કેટલાક સમયથી સગીરા (Minor Abuse Case) સાથે અયોગ્ય વર્તન અને દુષ્કર્મ આચરવાનો આરોપ છે. મામલો સામે આવ્યા બાદ ચાંદખેડા પોલીસે આરોપીની ધરપકડ કરી કાયદેસરની કાર્યવાહી શરૂ કરી છે.
માતાની ગેરહાજરીનો ગેરલાભ ઉઠાવ્યાનો આરોપ
ફરિયાદમાં કરવામાં આવેલા આક્ષેપ મુજબ, આરોપી સાવકા પિતા માતાની ગેરહાજરીનો ગેરલાભ ઉઠાવી સગીરા સાથે શારીરિક અડપલાં કરતો હતો. પરિવારના જણાવ્યા અનુસાર, આ પ્રકારનું વર્તન છેલ્લા આશરે બે મહિનાથી ચાલી રહ્યું હતું. સગીરા (Minor Abuse Case)ને આ અંગે કોઈને જાણ ન કરવા માટે ધમકી આપવામાં આવતી હોવાનો પણ ફરિયાદમાં ઉલ્લેખ છે. ઘટના બહાર આવશે તો માતા અને દીકરીને ઘરમાંથી કાઢી મૂકવાની તેમજ જાનથી મારી નાખવાની ધમકી આપ્યાનો આરોપ છે.
Minor Abuse Case: ડરના કારણે સગીરા ચૂપ રહી, બાદમાં માસીને જણાવી વાત
ધમકી અને પરિવારની પરિસ્થિતિને કારણે સગીરા શરૂઆતમાં સમગ્ર મામલે ચૂપ રહી હતી. જોકે, આરોપી દ્વારા વારંવાર કરવામાં આવતા કથિત ત્રાસ બાદ સગીરા (Minor Abuse Case)એ હિંમત કરીને પોતાની માસીને સમગ્ર ઘટનાની જાણ કરી હતી. માસી અને મામાએ સગીરાની વાત સાંભળ્યા બાદ તેની માતાને જાણ કરી હતી. ત્યારબાદ પરિવાર દ્વારા મામલો પોલીસ સુધી પહોંચાડવાનો નિર્ણય લેવામાં આવ્યો હતો.
વીડિયો કોલ દરમિયાન પુરાવો એકત્ર કર્યાનો પરિવારનો દાવો
પરિવારના જણાવ્યા પ્રમાણે, પોલીસ સમક્ષ મજબૂત પુરાવો રજૂ કરવા માટે સગીરા અને તેના સંબંધીઓએ વીડિયો કોલ ચાલુ રાખ્યો હતો. આ દરમિયાન મોબાઈલ ફોન રૂમમાં રાખવામાં આવ્યો હતો અને સગીરા (Minor Abuse Case) સાથે આરોપીએ કરેલી કથિત છેડતી કેમેરામાં રેકોર્ડ થઈ હોવાનો દાવો કરવામાં આવ્યો છે. આ વીડિયો પુરાવાના આધારે પરિવાર દ્વારા ચાંદખેડા પોલીસનો સંપર્ક કરવામાં આવ્યો હતો.
POCSO સહિતની કલમો હેઠળ કાર્યવાહી
મામલો ગંભીર હોવાને કારણે ચાંદખેડા પોલીસે ફરિયાદના આધારે આરોપી સામે ભારતીય ન્યાય સંહિતા (BNS)ની સંબંધિત દુષ્કર્મની કલમો તથા POCSO Act હેઠળ ગુનો નોંધ્યો છે. પોલીસે આરોપીની ધરપકડ કરી તેને કસ્ટડીમાં લીધો હતો. ત્યારબાદ કાયદેસરની પ્રક્રિયા મુજબ તેને જેલહવાલે કરવામાં આવ્યો હોવાનું સામે આવ્યું છે. હાલ સમગ્ર મામલે પોલીસ દ્વારા વધુ તપાસ હાથ ધરવામાં આવી રહી છે.
આ પણ વાંચો:અમરેલીમાં સગીરાને ધમકી આપી દુષ્કર્મનો આરોપ, અંગત ફોટા-વીડિયો વાયરલ કરવાની ધમકી
આ પણ વાંચો:લગ્નની લાલચ આપી સગીરા સાથે દુષ્કર્મનો આરોપ, વીડિયો પરિવારને મોકલતા ભાંડો ફૂટ્યો
