Kankaria Carnival 2025 : અમદાવાદના આંગણે મનોરંજનના મહાકુંભ સમાન ‘કાંકરિયા કાર્નિવલ-2025’નો ભવ્ય પ્રારંભ થયો છે. રાજ્યના મુખ્યમંત્રી ભૂપેન્દ્ર પટેલે કાંકરિયા (Kankaria)લેકફ્રન્ટ ખાતે રિબન કાપીને આ સાત દિવસીય મહોત્સવને ઔપચારિક રીતે ખુલ્લો મૂક્યો હતો.
આ પ્રસંગે અમદાવાદના મેયર પ્રતિભા જૈન, વિવિધ ધારાસભ્યો, કોર્પોરેટરો તેમજ મ્યુનિસિપલ કોર્પોરેશનના અધિકારીઓ મોટી સંખ્યામાં ઉપસ્થિત રહ્યા હતા.
25થી 31 ડિસેમ્બર સુધી સાત દિવસનો ઉત્સવ
25 થી 31 ડિસેમ્બર સુધી ચાલનારા આ કાર્નિવલમાં શહેરના નાગરિકો માટે પ્રવેશ સંપૂર્ણપણે નિઃશુલ્ક રાખવામાં આવ્યો છે. કાંકરિયાના સમગ્ર પરિસરમાં વિવિધ સ્ટેજ બનાવવામાં આવ્યા છે, જ્યાં દરરોજ ખ્યાતનામ કલાકારો દ્વારા સંગીત, લોકડાયરો અને વિવિધ સાંસ્કૃતિક કાર્યક્રમોની રજૂઆત કરવામાં આવશે.
Carnivalમાં ડ્રોન શો, લેસર લાઈટ અને આતશબાજી મુખ્ય આકર્ષણ
કાર્નિવલ (Carnival) ના મુખ્ય આકર્ષણોમાં ડ્રોન શો (Drone Show), લેસર લાઈટ (Laser Light) એન્ડ સાઉન્ડ શો અને ભવ્ય આતશબાજી સામેલ છે. ઉપરાંત, ગુજરાતના જાણીતા કલાકારો દ્વારા મ્યુઝિકલ પરફોર્મન્સ, લોકડાયરો, વિવિધ રાઈડ્સ અને લાઈવ કેરેક્ટર્સ નાગરિકોને મનોરંજન પૂરુ પાડશે.
રૂ.526 કરોડના વિકાસકામોનું લોકાર્પણ અને ખાતમુહૂર્ત
માત્ર મનોરંજન જ નહીં, પરંતુ આ પ્રસંગે મુખ્યમંત્રીના હસ્તે અમદાવાદ શહેર માટે રૂ.526 કરોડના વિકાસકામોનું લોકાર્પણ અને ખાતમુહૂર્ત પણ કરવામાં આવ્યું હતું. આ વિકાસલક્ષી કાર્યો દ્વારા શહેરની આંતરમાળખાકીય સુવિધાઓમાં નોંધપાત્ર સુધારો થવાની અપેક્ષા છે.
પ્રથમ દિવસે જ ભારે ભીડ, ચુસ્ત સુરક્ષા વ્યવસ્થા
કાર્નિવલ (Carnival) ના પ્રથમ દિવસે જ કાંકરિયા લેકફ્રન્ટ ખાતે અમદાવાદીઓનો ભારે ધસારો જોવા મળ્યો હતો. લોકો સંગીતના તાલે ઝૂમતા નજરે પડ્યા હતા. ભીડને ધ્યાનમાં રાખીને પોલીસ પ્રશાસન દ્વારા ચુસ્ત સુરક્ષા બંદોબસ્ત, મેડિકલ હેલ્પ ડેસ્ક અને વોચ ટાવર્સની વ્યવસ્થા ગોઠવવામાં આવી છે.
ઉલ્લેખનીય છે કે, 31મી ડિસેમ્બરની રાત્રે નવા વર્ષના સ્વાગત સાથે ‘કાંકરિયા કાર્નિવલ (Carnival) -2025’નું ભવ્ય સમાપન થશે.
આ પણ વાંચો:અમદાવાદમાં કાંકરિયા કાર્નિવલનો પ્રારંભ, વિવિધ કલાકારો 7 દિવસ સુધી લોકોનું મનોરંજન કરશે
આ પણ વાંચો:આવકવેરા વિભાગે ITR-1, ITR-4 માટે આ ખાસ સુવિધા પૂરી પાડી છે, સંપૂર્ણ વિગતો તપાસો
આ પણ વાંચો:આવકવેરા રિટર્ન ફાઇલ કરવાના ઘણા ફાયદા છે: ITR ફાઇલ કરવું બન્યું સરળ, જાણો ફોર્મ કેવી રીતે ભરવું
