ગુજરાતમાં કોરોના વાયરસનું સંક્રમણ ચરમસીમાએ પહોંચ્યું છે, ત્યારે એમાંથી રાજ્યનું સૌથી મોટું મહાનગર એવું અમદાવાદ પણ બાકાત રહ્યું નથી. કોરોનાની આ સ્થિતિ વચ્ચે અમદાવાદ મ્યુનિસિપલ કોર્પોરેશનનું નાણાકીય વર્ષ ૨૦૨૧-૨૨નું ડ્રાફ્ટ બજેટ રજુ કરાયું છે, જેના પર પણ કોરોનાનું ગ્રહણ લાગ્યું છે.

અમદાવાદ મ્યુનિસિપલ કોર્પોરેશન નું વર્ષ 2021-2022 નું ડ્રાફ્ટ બજેટમાં કોરોનાની અસરના પગલે બજેટના કદ મા ધરખમ ઘટાડો કરવામાં આવ્યો છે. આ વર્ષે મ્યુનિસિપલ કમિશનરે રજુ કરેલા ૧૪૩૨ કરોડ રૂપિયાનો ઘટાડો કરાયો છે.

આ પણ વાંચો :ચાલુ ટ્રેનમાંથી નીચે પટકાઈ 2 વર્ષની રુહી, આ રીતે થયો બાળકીનો અદભૂત બચાવ

ચાલુ વર્ષે AMC દ્વારા 7475 કરોડ નું ડ્રાફ્ટ બજેટ રજૂ કરાયું છે, જેમાં અમદાવાદની જનતા માટે મોટા વાયદાઓ કરવામાં આવ્યા છે. આ બજેટ ના મુખ્ય હાઇલાઇટની વાત કરવામાં આવે તો, અમદાવાદીઓ પર કોઈ પણ પ્રકારનો કરવેરો ઝીકવામાં આવ્યો નથી અને નવા પ્રોજેક્ટો જાહેર કરવામાં આવ્યા નથી. આ સાથે મનપાએ પ્રગતિમાં રહેલા પ્રોજેક્ટો ને પૂર્ણ કરવામાં ભાર આપ્યો છે.

AMC દ્વારા બજેટમાં કરાયેલા વાયદાઓને જોઈએ તો,

• 2021-22 વિકાસના કામો માટે 3562.50 કરોડની જોગવાઈ
• વિકાસના કામો માટે ટ્રાન્સફર કરાયેલા 1425 કરોડ કરવામાં આવ્યા
• 10 કરોડના ખર્ચે ગાંધી આશ્રમનો વિકાસ થશે
• હાઉસીંગ ફોર ઓલ માટે 20489 આવાસો બનાવવાનો પ્રોજેકટ
• રેવન્યુ ખર્ચ 3912.50 કરોડનો અંદાજ જે ગત વર્ષ કરતા 5.63 ટકા ઘટ્યો
• બોપલ ઘુમા ચિલોડા કઠવાડા ના વિકાસ માટે 110 કરોડની જોગવાઈ
• 120 કરોડના ખર્ચે વીએસ 95 કરોડ માટે શારદાબેન અને 115 કરોડ એલ જે હોસ્પિટલ માટેની જોગવાઈ
• 11 નવા અર્બન હેલ્થ સેન્ટર માટે 15 કરોડની જોગવાઈ
• 310 કરોડ ના ખર્ચે નવા 4 ફ્લાય ઓવર બ્રિજ
• ઘોડાસર સ્પ્લિટ ફ્લાય ઓવરબ્રિજ,
• પલ્લવ પ્રગતિનગર જંકશન ફ્લાય ઓવર બ્રીજ,
• સતાધાર ચાર રસ્તા ફ્લાય ઓવર બ્રિજ
• નરોડા પાટિયા ફ્લાય ઓવર બ્રિજ
• અર્બન ટ્રાન્સપોર્ટ માટે AMTSની 700 બસો અને ajlની 250 બસો,મળી કુલ 950 બસો
• કુલ નવી 150 મીની બસો, બી આર ટી એસ માટે 150 મીની ઇલેક્ટ્રોનિક બસો ખરીદાશે
• કોમ્યુનિટી હોલ અને ઓડિટોરિયમ માટે 30 કરોડની જોગવાઈ
• પશ્ચિમ ઝોન ચાંદખેડામાં કોમ્યુનિટી હોલ,ઉત્તર પશ્ચિમ ઝોન ગોતા ચંદલોડિયા વોર્ડમાં કોમ્યુનિટી હોલ
• સાઈઝૂલેલલ ઓડિટોરિયમ કમ બેંકવેટ હોલ
• ફાયર કવાર્ટર અને સ્ટેશન માટે રૂ.16.50 કરોડ, ગોતામા નવું ફાયર સ્ટેશન બનશે
• શહેરમા નવા 8 ટેનિસ કોર્ટ બનવવાવામાં આવશે
• કોર્પોરેશનના સરકારી પ્લોટ વેચીને 1000 કરોડના ભંડોળનો લક્ષ્યાંક
• આગામી વર્ષે 19 જેટલા સ્માર્ટ વોટર એટીએમ બનવામાં આવશે.

આ પણ વાંચો :સુપ્રીમ કોર્ટના આગામી ચીફ જસ્ટિસ હશે એનવી રમન્ના, વર્તમાન CJIએ અનુગામીનું મોકલ્યું નામ

આ પણ વાંચો :  મહિલાના ગળામાંથી ચેન ઝૂંટવી શખ્સ ફરાર, CCTV માં ઘટના થઇ કેદ