એર ઈન્ડિયાની લંડન-મુંબઈ ફ્લાઈટમાં ધૂમ્રપાન કર્યા બાદ એક મુસાફર અન્ય મુસાફરો સાથે ઘર્ષણમાં પડ્યા બાદ હંગામો થયો હતો. આ મામલામાં સહાર પોલીસે શનિવારે 37 વર્ષીય ભારતીય-અમેરિકન નાગરિક વિરુદ્ધ કેસ નોંધ્યો છે. પોલીસે કથિત રીતે ધૂમ્રપાન કરવા અને અન્ય મુસાફરો સાથે ગેરવર્તન કરવા બદલ કેસ નોંધીને તપાસ શરૂ કરી છે.
મુંબઈ પોલીસ પાસેથી પ્રાપ્ત માહિતી અનુસાર, શનિવારે (11 માર્ચ) એર ઈન્ડિયાની લંડન-મુંબઈ ફ્લાઈટમાં બાથરૂમમાં ધૂમ્રપાન કરવા અને અન્ય મુસાફરો સાથે ગેરવર્તન કરવા બદલ 37 વર્ષીય અમેરિકન નાગરિક રમાકાંત વિરુદ્ધ સહાર પોલીસ સ્ટેશનમાં કેસ નોંધવામાં આવ્યો હતો. કેસ નોંધવામાં આવ્યો છે.
હાલ આરોપી સામે કેસ નોંધવામાં આવ્યો છે. એવું કહેવામાં આવી રહ્યું છે કે તેણે કથિત રીતે ફ્લાઈટમાં અન્ય મુસાફરો, ખાસ કરીને મહિલાઓ સાથે ખરાબ વર્તન કરવાનું શરૂ કર્યું. તે બાદ ઝપાઝપી શરુ કરી હતી. સવારે લગભગ 8.20 વાગ્યે મુંબઈ એરપોર્ટ પર ઉતરતા પહેલા તેણે કેબિન ક્રૂ સાથે ઘર્ષણ કર્યું હતું.
સહાર પોલીસના જણાવ્યા અનુસાર, ફ્લાઈટ સ્ટાફે આરોપીને પકડીને સહાર પોલીસને સોંપ્યો હતો, જ્યાં તેને કસ્ટડીમાં લેવામાં આવ્યો હતો અને આઈપીસીની વિવિધ કલમો હેઠળ ગુનો નોંધવામાં આવ્યો હતો. આરોપી ભારતીય મૂળનો છે પરંતુ યુનાઇટેડ સ્ટેટ્સ ઓફ અમેરિકાનો નાગરિક છે અને તેની પાસે યુએસ પાસપોર્ટ છે.
આ પણ વાંચો:મનીષ સિસોદિયાનું ટ્વીટ- તમે મને જેલમાં નાખીને કષ્ટ આપી શકો છો, તમે મારા આત્માને નથી તોડી શકતા
આ પણ વાંચો:ED રેડ મામલે તેજસ્વી યાદવે કહ્યું ‘નવા હિસાબની ગણતરી પહેલા જૂનાે હિસાબ તો આપ્યો હોત’
આ પણ વાંચો: કપિલ સિબ્બલે ‘ઇન્સાફ કે સિપાહી’ પોર્ટલ લોન્ચ કર્યું, કેન્દ્રીય એજન્સીઓને લઇને ભાજપ પર સાધ્યું નિશાન
