દિલ્હીમાં વધતા પ્રદૂષણને કારણે શ્વાસ લેવાનું મુશ્કેલ બની રહ્યું છે. થોડા દિવસોની રાહત બાદ ફરી એક વખત પ્રદૂષણનું સ્તર વધવાનું શરૂ થયું છે. દેશની રાજધાની દિલ્હીમાં આજે સવારે આઠ વાગ્યે હવાની ગુણવત્તાની ઇન્ડેક્સ (Air Quality Index – AQI) 291 નોંધાઈ હતી. Central Pollution Control Board અનુસાર, સિરી ફોર્ટ ખાતે એક્યુઆઈ 287 (નબળી કેટેગરી) અને અરબિંદો માર્ગ પર 291 (નબળી કેટેગરી) નોંધાઈ છે.
દિવાળીના બીજા દિવસે વરસાદ બાદ દિલ્હી એનસીઆરના લોકોને પ્રદૂષણથી રાહત મળી હતી પરંતુ ફરી એક વખત પ્રદૂષણ વધવાનું શરૂ થયું છે. આઇએમડી અનુસાર પંજાબ અને હરિયાણાના કેટલાક વિસ્તારોમાં હજી પણ પરાલી સળગાવવામાં આવી રહી છે. તેની અસર દિલ્હી એનસીઆરમાં જોવા મળી રહી છે. .
શૂન્યથી 50 ની વચ્ચે હવાની ગુણવત્તાની અનુક્રમણિકા સારી, 51 અને 100 ની વચ્ચે સંતોષકારક, 101 થી 200 મધ્યમ, 201 થી 300 વચ્ચે ખરાબ, 301 થી 400 ખૂબ નબળી અને 401 થી 500 ની વચ્ચે ખુબ જ ગંભીર માનવામાં આવે છે.
