મણિરત્નમની બિગ બજેટ ફિલ્મ પોન્નિયિન સેલવન પાર્ટ 1નું ટ્રેલર લોન્ચ કરવામાં આવ્યું છે. આ ફિલ્મ દ્વારા મણિરત્નમ ફરી એકવાર એઆર રહેમાન અને ઐશ્વર્યા રાય બચ્ચન સાથે ફરી જોડાયા છે. કલ્કિ કૃષ્ણમૂર્તિની ઐતિહાસિક ફિલ્મ પોન્નિયિન સેલવન ભારતના ઇતિહાસમાં ‘સૌથી મહાન’ સામ્રાજ્ય, ચોલા સામ્રાજ્યની વાર્તા કહે છે. ટ્રેલરની શરૂઆત આકાશમાંથી આવતા ધૂમકેતુના દ્રશ્યોથી થાય છે અને તે શાહી લોહીના બલિદાન માટે બોલાવે છે. આ પછી પાત્રોનો પરિચય થાય છે. ચિયાન વિક્રમ અદિતા કરીકલનનું પાત્ર ભજવી રહ્યો છે. જયમ રવિ, અરુણમોજી વર્મન અને કાર્તિ વંતિયાથેવનનું પાત્ર ભજવી રહ્યા છે.
ત્રણેય સંપૂર્ણ શાહી જીવન જીવે છે, ગુપ્ત મિશન પર જાય છે અન્ય રાજ્યોની રાણીઓને મળે છે. જેમાં ત્રિશા કૃષ્ણન પણ સામેલ છે જે ફિલ્મમાં કુંદાવીનું પાત્ર ભજવતી જોવા મળે છે.
ટ્રેલરમાં સૌથી મોટી ખાસિયત એશ્વર્યા રાય બચ્ચન છે જે ફિલ્મમાં રાણી નંદિનીનું પાત્ર ભજવી રહી છે. ઐશ્વર્યાને નંદિની તરીકે સુંદર અને બહાદુર રાણી તરીકે જોવામાં આવે છે.
આ ફિલ્મમાં ઐશ્વર્યા ડબલ રોલમાં જોવા મળશે. તે રાણી નંદિની અને મંદાકિની દેવીનું પાત્ર પણ ભજવશે. આ સિવાય શોભિતા ધુલીપાલા પણ આ ફિલ્મનો એક ભાગ છે. તે મણિરત્નમના અખંડ ભારત પ્રોજેક્ટમાં વિનોદી અને નમ્ર રાણી વનથીની ભૂમિકા ભજવી રહી છે.
આપને જણાવી દઈએ કે આ ફિલ્મ દ્વારા ઐશ્વર્યા અને વિક્રમ ફિલ્મ રાવણ પછી બીજી વખત સાથે કામ કરી રહ્યા છે. મણિરત્નમ સાથે ઐશ્વર્યાની આ ચોથી ફિલ્મ છે. અગાઉ તે તેની ફિલ્મો ઇરુવર, ગુરુ અને રાવણમાં કામ કરી ચૂકી છે.આ ફિલ્મ 30 સપ્ટેમ્બરે હિન્દી, તમિલ, તેલુગુ, મલયાલમ અને કન્નડ ભાષામાં રિલીઝ થશે.
આ પણ વાંચો:ગુજરાતમાં 50 સ્થળો પર ITના દરોડા,સિલ્વર ઓક યુનિવર્સિટીમાં સર્ચ ઓપરેશન શરૂ
આ પણ વાંચો:મહાકાલના દર્શન કરવા આવેલા આલિયા-રણબીર સામે બજરંગીઓનો હંગામો,બહિષ્કારના લગાવ્યા નારા, જાણો કારણ
આ પણ વાંચો: ‘રાજીવ ગાંધી હત્યા’ પર બનશે વેબ સિરીઝ,ખૂલશે હત્યાના રહસ્ય!
