મેં સોશિયલ મીડિયા પર જોયું છે કે, અખિલેશ યાદવે 11મી માર્ચે લંડન જવા માટે ટિકિટ લીધી છે અને તેમના સમર્થકો નારાજ છે કે તેઓ રાજ્ય છોડી રહ્યા છે. યુપીના સીએમ યોગી આદિત્યનાથે સપા નેતા પર પ્રહાર કરતા આ વાત કહી. તેમણે કહ્યું કે, અત્યાર સુધી 4 તબક્કાની ચૂંટણીઓ થઈ છે અને તેમાં 80 વિરુદ્ધ 20નો ટ્રેન્ડ જોવા મળ્યો છે. સીએમ યોગીએ કહ્યું કે, અત્યાર સુધીના તબક્કામાં ભાજપને 80 ટકા સીટો મળી રહી છે, જ્યારે અન્ય પાર્ટીઓએ 20 ટકા સીટોથી સંતોષ માનવો પડશે. પશ્ચિમ યુપીમાં ખેડૂતોનું આંદોલન છવાયું હોવાના પ્રશ્ન પર તેમણે કહ્યું કે, મીડિયાનું પોતાનું વિશ્લેષણ છે. રાષ્ટ્રીય અને આંતરરાષ્ટ્રીય સ્તરે મીડિયા અહીંના ગ્રાઉન્ડ એનાલિસિસને જાણતું નથી. જેઓ જમીન પર કામ કરી રહ્યા છે તેઓ જ આ વાત જાણે છે.
આ પણ વાંચો: દેશમાં કોરોનાના કેસમાં ઘટાડો યથાવત,એક દિવસમાં નવા 13 હજારથી વધુ કેસ
કેસરી ડ્રેસ પહેરવા પર કહ્યું, એસેમ્બલીમાં ડ્રેસ કોડ નથી
યોગી આદિત્યનાથે વાતચીતમાં કહ્યું, કે 2019માં સપા અને બસપાના ગઠબંધન બાદ મીડિયા અમને માત્ર 25 લોકસભા સીટો આપી રહ્યું હતું, પરંતુ તમામ ખોટા સાબિત થયા. ભાજપને 80 ટકાથી વધુ બેઠકો મળી હતી. તેમણે સરકાર વિરુદ્ધ વાતાવરણ હોવાની વાતને નકારી કાઢી હતી અને કહ્યું હતું કે ,અહીં પ્રો-ઈન્કમ્બન્સી છે. સીએમ યોગી આદિત્યનાથે કહ્યું કે છેલ્લા 25 વર્ષમાં આવું પહેલીવાર થઈ રહ્યું છે, જ્યારે સત્તામાં રહેલી પાર્ટી વિરુદ્ધ કોઈ વાતાવરણ નથી. હિજાબ વિવાદ વચ્ચે સીએમ યોગીએ ખુદ ભગવા ડ્રેસમાં હોવાના સવાલનો જવાબ પણ આપ્યો છે. તેમણે કહ્યું કે વિધાનસભામાં કોઈ ડ્રેસ કોડ નથી. છોકરીઓ તેમના ઘરમાં, બજારમાં અથવા રજાઓ દરમિયાન હિજાબ પહેરી શકે છે. પરંતુ જ્યારે શાળામાં ડ્રેસ કોડ હોય ત્યારે તેનું પાલન કરવું આવશ્યક છે.
તેમણે કહ્યું કે આપણે સમજવું જોઈએ કે જો ભારતનું બંધારણ આપણને અધિકારો આપે છે, તો તે આપણને ફરજો સાથે પણ બાંધે છે. દેશ બંધારણ પ્રમાણે ચાલે છે. તે મુજબ કે કોઈની અંગત મરજી મુજબ ન થઈ શકે. સુહેલદેવ ભારતીય સમાજ પાર્ટીના નેતા ઓમપ્રકાશ રાજભરના આ વખતે તેમની સાથે ન હોવાને કારણે થયેલા નુકસાનના પ્રશ્ન પર યોગીએ કહ્યું કે એવું થશે નહીં. તેમણે કહ્યું કે 2019ની સામાન્ય ચૂંટણીમાં પણ તેઓ અમારી સાથે નહોતા, પરંતુ પાર્ટીએ 80 ટકા બેઠકો જીતી હતી. આ સવાલનો જવાબ પણ તેણે ફેરવીને આપ્યો. સીએમ યોગીએ કહ્યું કે એ યાદ રાખવું જોઈએ કે મહારાજા સુહેલદેવના અનુયાયીઓ ક્યારેય મોહમ્મદ ઘોરી કે ગઝનીના અનુયાયીઓ સાથે નહીં જાય.
આ પણ વાંચો:યુક્રેન પર વાઇપર માલવેરથી સાયબર હુમલો,જાણો સમગ્ર વિગત
આ પણ વાંચો:શેરબજારમાં જોરદાર ઉછાળો,સેન્સેક્સ 55,700ની ઉપર પહોંચ્યો, નિફ્ટી 16,600ની પાર
