Health News: સ્વાસ્થ્યપ્રદ વસ્તુઓમાં (Healthy Products) ઘણા સીડ્સ (Seeds) અને બદામનો (Almond) પણ સમાવેશ થાય છે. આમાંથી એક ચિયા સીડ્સ છે. આ નાના કાળા સીડ્સ આપણા સ્વાસ્થ્ય માટે ખૂબ જ ફાયદાકારક છે. તેમાં ઓમેગા-3 ફેટી એસિડ, ફાઈબર અને પ્રોટીન જેવા અનેક તત્વો હાજર હોય છે. ચિયા સીડ્સ ખાવાથી આપણા શરીરને ઘણા ફાયદા થાય છે. પરંતુ આ બીજને લઈને અજાણતા કરવામાં આવેલી કેટલીક ભૂલો આપણા સ્વાસ્થ્ય માટે મોંઘી સાબિત થઈ શકે છે. આવો જાણીએ ક્યા એવા ખાદ્યપદાર્થો છે જેની સાથે ચિયા સીડ્સ ખાવાથી દૂર રહેવું જોઈએ.

આ 7 વસ્તુઓ સાથે ચિયાના સીડ્સને  ક્યારેય ન ખાઓ

1. ડેરી ઉત્પાદનો

ચિયાના સીડ્સમાં પહેલેથી જ ફાઇબર હોય છે, તેમાં ડેરી ઉત્પાદનો સાથે જો મિશ્ર કરવામાં આવે છે તો તે મોટા પ્રમાણમાં જિલેટીન જેવી રચના બનાવે છે, જે કેટલાક લોકોને ખાવામાં ગમતું નથી હોતું. આ સિવાય આ મિશ્રણ કેટલાક લોકો માટે પાચન સંબંધી સમસ્યાઓનું કારણ બની શકે છે.

2. દવાઓ સાથે

ચિયા સીડ્સ અમુક દવાઓ સાથે લઈ શકાતું નથી. ખાસ કરીને લોહી પાતળું કરનાર અને બ્લડ પ્રેશરની દવાઓ. આ બીજમાં હાજર ઓમેગા-3 રક્તસ્રાવનું જોખમ વધારી શકે છે. જો તમે કોઈપણ દવા લઈ રહ્યા છો, તો ચિયા સીડ્સ ખાતા પહેલા તમારા ડૉક્ટરની સલાહ ચોક્કસ લો.

3. હાઈ ફાઇબર

ચિયાના સીડ્સમાં ફાઈબરનું પ્રમાણ વધુ હોય છે, તેથી તેને અન્ય હાઈ ફાઈબરવાળા ખોરાક સાથે ખાવાથી પાચનની સમસ્યા થઈ શકે છે. જેમ કે પેટનું ફૂલવું અને ગેસ. ખોરાકમાં ચિયાના સીડ્સનો સમાવેશ કરતી વખતે, આહારમાં કઠોળ, આખા અનાજ અને કેટલીક શાકભાજીનું પ્રમાણ થોડું ઓછું કરવું જોઈએ.

4. ફળનો રસ

ચિયાના સીડ્સને ફળોના રસમાં ભેળવીને પીવાથી શરીરમાં બ્લડ શુગરની માત્રા વધી શકે છે. ચિયા અને ફ્રુટ જ્યુસને મિક્સ કરવું ક્યારેય સારું કોમ્બિનેશન ન હોઈ શકે. તેના બદલે, આખા ફળો ખાઓ, જે વધારાની ખાંડ વિના ફાઇબર અને પોષક તત્વોથી ભરેલા હોય.

5. કેફીન

કેફીન ડિહાઇડ્રેશનની સમસ્યાનું કારણ બની શકે છે. જ્યારે ચિયાના સીડ્સને પાચન તંત્રમાં યોગ્ય રીતે કામ કરવા માટે પૂરતા પ્રમાણમાં પાણીની જરૂર પડે છે. કેફીનયુક્ત પીણાં સાથે ચિયા સીડ્સનું સેવન કરવાથી પોષક તત્વોની અસર ઓછી થઈ શકે છે અને ડિહાઈડ્રેશનની સમસ્યા વધી શકે છે.

6. દારૂ

આલ્કોહોલ ભેળવીને ચિયાના સીડ્સ પીવાથી નુકસાન થઈ શકે છે કારણ કે આ સીડ્સમાં પ્રવાહી શોષવાની શક્તિ હોય છે. આવી સ્થિતિમાં તેને આલ્કોહોલ ભેળવીને પીવાથી શરીરમાં આલ્કોહોલનું પ્રમાણ વધી શકે છે, જેનાથી પાચન સંબંધી સમસ્યાઓ થઈ શકે છે. આ સિવાય આલ્કોહોલથી થતા રોગોનું જોખમ પણ વધી શકે છે.

7. હાઈ સુગર ફૂડ

પેસ્ટ્રી અથવા કેન્ડી જેવા હાઈ સુગર ફૂડ સાથે ચિયા સીડ્સ ખાવાથી તેમના સ્વાસ્થ્ય લાભો ઘટાડી શકે છે. આ સીડ્સનું કામ સંતુલિત આહારને ટેકો આપવાનું છે. વધારે ખાંડનું સેવન કરવાથી શરીરમાં એનર્જીનો અભાવ થાય છે, જેના કારણે તમે નબળા પડી શકો છો.

ચિયા સીડ્સ (Chia Seeds) ખાવાની સાચી રીત કઈ છે?

ચિયા સીડ્સ તમારા આહારને વધુ સ્વસ્થ બનાવવામાં મદદ કરે છે. તેથી તમે તેને શેની સાથે ખાઓ છો તેની કાળજી રાખવી જરૂરી છે. ચિયા સીડ્સ ખાવાની સાચી રીત એ છે કે તેને આખી રાત સાદા પાણીમાં પલાળી રાખો અને સવારે ખાલી પેટ પીવો. બીજી રીત એ છે કે તમે તેને ગ્રીક દહીં અથવા ઓટ્સ સાથે મિક્સ કરીને ખાઈ શકો છો.

આ પણ વાંચો:તમારી ઉંમરને ઢાળી દો જુવાનીમાં… બસ, આ 3 આસન અપાવશે ફાયદો

આ પણ વાંચો:રોજ સવારે ખાલી પેટ ચિયા પાણી પીવો, ત્વચા અને પાચનનો રામબાણ ઈલાજ

આ પણ વાંચો:ગરમ પાણીમાં લીંબુનો રસ ભેળવીને પીવાથી વજન ઘટે છે? જાણો વાસ્તવિકતા