ગુરુગ્રામ પોલીસે શનિવારે હનીટ્રેપ કેસમાં 24 વર્ષની યુવતીની ધરપકડ કરી હતી. પોલીસે જણાવ્યું હતું કે ધરપકડ કરાયેલ યુવતી ઉત્તર પ્રદેશના ફરુરખાબાદની હતી. મહિલા ઓટો મોબાઈલ વર્કશોપના માલિક પાસેથી 40 લાખ રૂપિયાની માગ કરી રહી હતી.
ડીસીપી સુલોચનાં ગજરાજે જણાવ્યું કે આરોપી યુવતી ગુરુગ્રામ સેક્ટર -39 માં પેઈંગ ગેસ્ટ (પીજી) ઘર ચલાવે છે. તે ઉત્તર પ્રદેશના ફરુરખાબાદની વતની છે અને છેલ્લા ચાર-પાંચ વર્ષથી ગુરુગ્રામમાં રહે છે. પીડિતાની નજીકમાં વર્કશોપ આવેલું છે. વર્કશોપ માલિકનો ફાયદો ઉઠાવવા મહિલાએ પહેલા વર્કશોપના માલિક સાથે મિત્રતા કરી અને તે પછી તેણે તેની સાથે શારીરિક સંબંધ બનાવ્યો.
બળાત્કારનાં કેસની ધમકી આપી
ડીસીપી સુલોચનાએ જણાવ્યું હતું કે આરોપીએ શારીરિક સંબંધની ઘનિષ્ઠ તસવીરો સાથે વીડિયો પણ ઝડપી લીધો હતો. આ પછી તેણે વર્કશોપના માલિકને કહ્યું કે જો તેણીને 40 લાખ રૂપિયા નહીં આપે તો તે આ ચિત્રો અને વીડિયોને વાઇરલ (સાર્વજનિક) કરશે. આ સિવાય તેણે આ તસવીરો અને બંને વચ્ચે ફોન પરની વાતચીતના આધારે બળાત્કારનો કેસ નોંધવાની ધમકી પણ આપી હતી.
જ્યારે વર્કશોપનાં માલિકે એક જ વખતમાં 40 લાખ ચૂકવવા અસમર્થતા વ્યક્ત કરી, ત્યારે મહિલાએ તેમને ફક્ત 10 લાખ ચૂકવવા અને બાકીના 30 લાખ રૂપિયા પછીથી ચૂકવવાનું કહ્યું.
ડીસીપીએ કહ્યું કે તે હની ટ્રેપનો મામલો છે. પીડિતે મહિલા વિરુદ્ધ સદર પોલીસ સ્ટેશનમાં લેખિત ફરિયાદ નોંધાવી હતી. અમે તેને રંગે હાથે પકડવા માટે એક વિશેષ ટીમ પણ બનાવી હતી. અમે પીડિતને, યુવતીને માત્ર એક લાખ રૂપિયા આપવાની વ્યવસ્થા કરવા જણાવ્યું હતું.
વિડિઓ કેમેરામાં કેદ કરેલી ઘટનાઓ
ડીસીપીએ કહ્યું કે એક લાખ રૂપિયાની વ્યવસ્થા કર્યા બાદ પીડિતે યુવતીનો સંપર્ક કર્યો અને સેક્ટર -17 માં મળવાનું નક્કી કર્યું. શિડ્યુલ મુજબ પોલીસ ટીમ સ્થળ પર પહેલેથી જ તૈનાત કરી દેવામાં આવી હતી. જ્યારે પીડિત આવ્યો ત્યારે યુવતી પહેલેથી જ ત્યાં હતી. તેણે એક લાખ રૂપિયાનું પેકેટ લીધું કે તરત જ પોલીસ ટીમે તેને પકડી પાડ્યો હતો. આ સમગ્ર ઘટનાને વીડિયો કેમેરામાં કેદ કરવામાં આવી છે, જેથી નક્કર પુરાવા મળે અને અદાલતમાં તેનો ગુનો સાબિત કરવો સહેલું થઈ શકે.
પૂછપરછ દરમિયાન મહિલાએ કબૂલાત કરી કે તેણે બે મહિના પહેલા વર્કશોપના માલિક સાથે મિત્રતા કરી હતી અને તેની સાથે શારીરિક સંબંધ બાંધ્યો હતો. તેમણે ઘનિષ્ઠ ફોટોગ્રાફ્સ જાહેર કરવાની ધમકી આપીને 40 લાખ રૂપિયાની માંગણી કરી હોવાની કબૂલાત પણ કરી હતી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
