કેન્દ્રીય ગૃહ મંત્રાલયે સોમવારે જણાવ્યું હતું કે ફોરેન કોન્ટ્રીબ્યુશન (રેગ્યુલેશન) એક્ટ (એફસીઆરએ) રજીસ્ટ્રેશનના નવીકરણ માટે મિશનરીઝ ઓફ ચેરિટીની અરજી 25 ડિસેમ્બરે પાત્રતાની શરતો પૂરી ન કરવા બદલતેને નકારી કાઢવામાં આવી હતી. મંત્રાલયે વધુમાં જણાવ્યું હતું કે તેમણે મિશનરીઝ ઑફ ચેરિટીના કોઈપણ ખાતામાંથી વ્યવહાર અટકાવ્યો નથી, પરંતુ સ્ટેટ બેંક ઑફ ઈન્ડિયા (એસબીઆઈ) એ જાણ કરી છે કે સંસ્થાએ જ બેંકના એકાઉન્ટ ફ્રીઝ કરવા કહ્યું છે
ગૃહ મંત્રાલયના આ નિવેદન પહેલા પશ્ચિમ બંગાળના મુખ્યમંત્રી મમતા બેનર્જીએ દાવો કર્યો હતો કે કેન્દ્ર સરકારે મધર ટેરેસા દ્વારા સ્થાપિત સંસ્થાના તમામ બેંક ખાતાઓમાંથી વ્યવહારો પર પ્રતિબંધ લગાવી દીધો છે. “કાયદો સર્વોપરી છે, પરંતુ માનવીય પ્રયાસો સાથે સમાધાન ન થવું જોઈએ.”
તેમણે ટ્વીટ કર્યું, “ક્રિસમસ પર સાંભળીને આઘાત લાગ્યો કે કેન્દ્ર સરકારે ભારતમાં મધર ટેરેસાના મિશનરીઝ ઑફ ચેરિટીના તમામ બેંક ખાતાઓ બ્લોક કરી દીધા છે. તેમના 22,000 દર્દીઓ અને સ્ટાફ ખોરાક અને દવાઓ મેળવવામાં અસમર્થ છે.” મંત્રાલયે જણાવ્યું હતું કે FCRA નોંધણીના નવીકરણ માટેની અરજી FCRA 2010 અને ફોરેન કોન્ટ્રીબ્યુશન રેગ્યુલેશન રૂલ્સ (FCRR) 2011 હેઠળ યોગ્યતાની શરતો પૂરી ન કરવા માટે નકારી કાઢવામાં આવી હતી. . .
નિવેદન અનુસાર, “મિશનરીઝ ઑફ ચેરિટી તરફથી નવીકરણ અરજીને નકારી કાઢવાના નિર્ણયની સમીક્ષા માટે કોઈ વિનંતી પ્રાપ્ત થઈ નથી.” FCRA હેઠળ મિશનરીઝ ઑફ ચેરિટીની નોંધણી 31 ઑક્ટોબર, 2021 સુધી માન્ય હતી. ગૃહ મંત્રાલયે કહ્યું કે માન્યતા 31 ડિસેમ્બર, 2021 સુધી લંબાવવામાં આવી છે.
જો કે, મિશનરીઝ ઑફ ચેરિટીની નવીકરણ અરજી પર વિચાર કરતી વખતે, કેટલીક પ્રતિકૂળ માહિતી જોવા મળી હતી. આને ધ્યાનમાં રાખીને, અરજી નકારી કાઢવામાં આવી હતી.” તેમણે કહ્યું કે મિશનરીઝ ઑફ ચેરિટીની FCRA નોંધણી 31 ડિસેમ્બર, 2021 સુધી માન્ય હતી અને મંત્રાલયે તેમના કોઈપણ બેંક એકાઉન્ટને ફ્રીઝ કર્યું નથી. ધ મિશનરીઝ ઑફ ચૅરિટી એ 1950માં મધર ટેરેસા દ્વારા સ્થાપિત કૅથલિક ધાર્મિક સંસ્થા છે.
