લગભગ અઢી દાયકા બાદ ઓસ્ટ્રેલિયાની ટીમ પાકિસ્તાનનાં પ્રવાસે આવી રહી છે. માર્ચમાં શરૂ થનારા આ પ્રવાસમાં તે 3 ટેસ્ટ મેચની સીરીઝ રમશે. પરંતુ ઓસ્ટ્રેલિયન મીડિયા તરફથી જણાવવામાં આવ્યું છે કે કાંગારૂ ટીમ આ સીરીઝ એક જ સ્ટેડિયમમાં રમવા માંગે છે, જેને પાકિસ્તાન ક્રિકેટ બોર્ડ (PCB) દ્વારા નકારી કાઢવામાં આવ્યું છે અને એવું પણ કહ્યું છે કે તે ઓસ્ટ્રેલિયન ક્રિકેટ બોર્ડ દ્વારા તેમને કોઈ સૂચનો મળ્યા નથી.
આ પણ વાંચો – પ્રભાવશાળી ક્રિકેટર / ભારતીય ઓપનર સ્મૃતિ મંધના બની વર્ષ 2021 ની સર્વશ્રેષ્ઠ મહિલા ક્રિકેટર
ઓસ્ટ્રેલિયન ટીમ અહીં 3 માર્ચથી 3 ટેસ્ટ મેચની સીરીઝ શરૂ કરશે. અત્યાર સુધીનાં શેડ્યૂલ મુજબ સીરીઝની પ્રથમ ટેસ્ટ કરાચીમાં રમાશે. બીજી ટેસ્ટ 12-16 માર્ચે રાવલપિંડી ખાતે રમાશે અને ત્યારબાદ ત્રીજી અને અંતિમ ટેસ્ટ 21 માર્ચથી લાહોરનાં ગદ્દાફી સ્ટેડિયમમાં રમાશે. ઓસ્ટ્રેલિયન મીડિયામાં એવા અહેવાલો આવ્યા છે કે, ક્રિકેટ ઓસ્ટ્રેલિયા (CA) એક જ સ્થળે ત્રણેય ટેસ્ટ મેચો રમવા માટે PCB સાથે વાતચીત કરી રહી છે. ક્રિકેટ પાકિસ્તાને મંગળવારે તેના અહેવાલમાં PCB અધિકારીને ટાંકીને કહ્યું હતું કે, “એક જગ્યાએ 19 દિવસનાં આંતરરાષ્ટ્રીય ક્રિકેટની વ્યવસ્થા કરવી શક્ય નથી. ઓસ્ટ્રેલિયા કરાચી, લાહોર અને રાવલપિંડીમાં ટેસ્ટ રમશે.” PCB કરાચી, લાહોર અને રાવલપિંડીમાં તમામ સહભાગીઓ માટે સુરક્ષિત વાતાવરણ બનાવવા માટે તમામ પ્રયાસો કરી રહ્યું છે. NCOC (નેશનલ કમાન્ડ ઓપરેશન સેન્ટર) બંધ સમયે ભીડની હાજરી અંગે નિર્ણય લેશે.
આ પણ વાંચો – LLC T20 / અસગર અફગાનની તોફાની ઇનિંગમાં ધોવાયુ ઈન્ડિયા મહારાજા, તાબડતોડ 7 છક્કા માર્યા
1998 પછી ઓસ્ટ્રેલિયાનો પાકિસ્તાનનો આ પ્રથમ પ્રવાસ હશે, જ્યારે માર્ક ટેલરની આગેવાની હેઠળની ટીમે ત્રણ ટેસ્ટની સીરીઝ 1-0થી જીતી હતી. ટેસ્ટ સીરીઝ પછી ત્રણ વન-ડે અને એક T20 મેચ રમાશે. ટેસ્ટ સીરીઝ ICC વર્લ્ડ ટેસ્ટ ચેમ્પિયનશિપ (ICC WTC) નો ભાગ હશે, જ્યારે ODI 2023 વર્લ્ડ કપ ક્વોલિફિકેશનનો ભાગ હશે. ઓસ્ટ્રેલિયન ક્રિકેટર્સ એસોસિએશન (ACA)નાં વડા ટોડ ગ્રીનબર્ગ દ્વારા આ મહિનાની શરૂઆતમાં કહેવામાં આવ્યું હતું કે કેટલાક એવા ખેલાડીઓ હશે જે માર્ચ-એપ્રિલમાં પાકિસ્તાનમાં રમવામાં આરામદાયક નહીં હોય. તેમણે કહ્યું કે તે જે પણ નિર્ણય લેશે અમે તેનું સન્માન કરીશું.
