અભિનેતા પ્રભાસની બહુપ્રતિક્ષિત ફિલ્મ ‘આદિપુરુષ’નું ટ્રેલર લોન્ચ થઈ ગયું છે. આ મેગા બજેટ ફિલ્મની ઝલક જોવા માટે દર્શકો ઘણા સમયથી રાહ જોઈ રહ્યા છે. ટ્રેલર લોન્ચ વખતે પ્રભાસ, કૃતિ સેનન અને સૈફ અલી ખાન સહિત ફિલ્મનું આખું યુનિટ હાજર હતું. આપને જણાવી દઈએ કે ઓમ રાઉત દ્વારા નિર્દેશિત આ ફિલ્મ હિંદુ મહાકાવ્ય રામાયણ પર આધારિત છે, જેને આધુનિક સંદર્ભમાં રજૂ કરવામાં આવી છે.
ટ્રેલરમાં રામાયણનું સ્વરૂપ બતાવવામાં આવ્યું છે
આદિપુરુષના રિલીઝ થયેલા ટ્રેલરમાં શ્રી રામના વનવાસનો ક્રમ બતાવવામાં આવ્યો છે. રામ અને લક્ષ્મણને શબરીના એઠા ફળ ખાતા બતાવવામાં આવ્યા છે. આ પછી હનુમાનનું મિલન અને તે પછી તરત જ સીતા હરણનું દ્રશ્ય બતાવવામાં આવ્યું છે. આટલું જ નહીં, હનુમાનજીની વીંટી સાથે સીતા માતા પાસે જતાની ઝલક પણ ટ્રેલરમાં જોવા મળી છે. લંકાનું સળગવું અને તેના પર વાનર સેનાનું ચઢાણ પણ દર્શાવવામાં આવ્યું છે. ફિલ્મના ટ્રેલરમાં વિસ્ફોટક એક્શન સીન છે.
આદિપુરુષ નવા રેકોર્ડ બનાવશે
16 જૂને રિલીઝ થઈ રહેલી ફિલ્મ ‘આદિપુરુષ’માં અભિનેતા પ્રભાસ ભગવાન શ્રી રામનો રોલ કરી રહ્યો છે અને કૃતિ સેનન માતા સીતાનો રોલ કરી રહી છે. જ્યારે સૈફ અલી ખાન લંકેશ રાવણના રોલમાં છે. ફિલ્મના ટ્રેલરને લઈને દર્શકોમાં ઘણી ઉત્સુકતા હતી અને માનવામાં આવી રહ્યું છે કે તેના ટીઝરની જેમ આ ટ્રેલર પણ સોશિયલ મીડિયા પર વ્યુઝના મામલે નવો રેકોર્ડ બનાવી શકે છે. અત્યાર સુધીની સૌથી મોંઘી હિન્દી ફિલ્મ ગણાતી ‘આદિપુરુષ’નો મોટો હિસ્સો નવેસરથી તૈયાર કરવામાં આવ્યો છે.
બોયકોટની ચીમકી બાદ કરવામાં આવેલ ફેરફારો
આપને જણાવી દઈએ કે બોલિવૂડ ફિલ્મ ‘આદિપુરુષ’નું પોસ્ટર અને ટીઝર રિલીઝ થયા બાદ ઘણો વિવાદ શરૂ થયો હતો. આ પોસ્ટરમાં પ્રભાસને જનોઈ વગર અને અભિનેત્રી કૃતિ સેનનને સિંદૂર વગરની અપરિણીત મહિલા તરીકે દર્શાવવામાં આવી છે. જે બાદ ફિલ્મને લઈને લોકોનો ભારે વિરોધ થયો હતો. લોકોએ તેનો બહિષ્કાર કરવાની ચીમકી પણ આપી હતી. જે બાદ મેકર્સ દ્વારા તેમાં કેટલાક ફેરફાર કરવામાં આવ્યા હતા.
આ પણ વાંચો:વર્ષો પછી સાથે આવ્યા અક્ષય કુમાર-રવિના ટંડન, સગાઈ પછી તુટ્યો હતો સંબંધો
આ પણ વાંચો:બિપાશા બાસુએ શેર કર્યો દીકરી દેવીનો એક્સરસાઇઝ વીડિયો,જાણો ફેન્સે કમેન્ટમાં શું કહ્યું?
આ પણ વાંચો:શહનાઝ ગિલ સાથે અફેરની ચર્ચા રાઘવે તૌડ્યું મૌન, જાણો શું કહ્યું
આ પણ વાંચો: બકેટ સ્ટાઈલ બેગને લઈ ટ્રોલ થઈ અનન્યા પાંડે,લોકોએ પૂછ્યા ફની સવાલો
આ પણ વાંચો:પતિ નવાઝુદ્દીન સિદ્દીકી સાથે સમાધાનના મૂડમાં આલિયા સિદ્દીકી, સોશિયલ મીડિયા પર જાહેરમાં માગી માફી
