Usa News : નોબેલ પુરસ્કાર 2024 માટેના વિજેતાઓની જાહેરાત આજથી એટલે કે સોમવાર, 7 ઓક્ટોબરથી શરૂ થઈ ગઈ છે. આજે મેડિસિન અને ફિઝિયોલોજી ક્ષેત્રે નોબેલ પુરસ્કારની જાહેરાત થઈ છે. 2024નું મેડિસિનનું નોબેલ પુરસ્કાર વિક્ટર એમ્બ્રોઝ અને ગેરી રુવકોનને એનાયત કર્યું છે. તેમને માઇક્રો RNAની શોધ માટે આ પુરસ્કાર આપ્યો છે.7 ઓક્ટોબરથી 14 ઓક્ટોબર સુધી વિજ્ઞાન, અર્થશાસ્ત્ર, સાહિત્ય અને શાંતિ જેવા ક્ષેત્રોમાં ઉત્કૃષ્ટ કામગીરી કરનારા લોકોને નોબેલ પુરસ્કાર આપવામાં આવશે. આ ઈનામો સ્વીડનના સ્ટોકહોમમાં આપવામાં આવી રહ્યા છે. નોબેલ પુરસ્કારમાં 11 મિલિયન સ્વીડિશ ક્રોનર એટલે કે અંદાજે 8.90 કરોડ રૂપિયાનું રોકડ પુરસ્કાર આપવામાં આવશે.
નોબેલ પુરસ્કાર 1901માં શરૂ થયો ત્યારથી, 2024 સુધી, મેડિસિનના ક્ષેત્રમાં 229 લોકોને તેનાથી સન્માનિત કરવામાં આવ્યા છે.છેલ્લી વખત મેડિસિન માટે નોબેલ પુરસ્કાર કેટલિન કેરીકો અને ડ્રુ વેઈસમેનને મળ્યો હતો. નોબેલ પુરસ્કાર આપનારી સમિતિએ કહ્યું હતું કે તેમના દ્વારા આપવામાં આવેલી mRNA ટેક્નોલોજીથી બનેલી કોરોના રસી દ્વારા વિશ્વ કોરોના રોગચાળામાંથી બહાર આવી શકે છે. હકીકતમાં, કોરોના દરમિયાન આવું પહેલીવાર બન્યું જ્યારે mRNA ટેક્નોલોજી પર આધારિત રસી બનાવવામાં આવી. તે Pfizer, Bio N Tech અને Modernaએ બનાવી હતી.
આ પણ વાંચોઃચહેરો જોઈ ભિખારી સમજવાની ના કરો ભૂલ, એક એન્જિનિયર પત્નીના કારણે….
આ પણ વાંચોઃબાઈકની સુપર સ્પીડ, ભયાનક અકસ્માત બાદ પણ ચાલકનો ચમત્કારિક બચાવ, Viral Video
આ પણ વાંચોઃબેગમને બિકિનીમાં જોવામાં અબજપતિ શેખે ખર્ચ્યા કરોડો રૂપિયા
