Assam News : કેન્દ્રીય ગૃહમંત્રી Amit Shah હાલમાં આસામના પ્રવાસે છે. તેમણે Guwahati માં વિશાળ રોડ શો કર્યો, જેમાં મોટી સંખ્યામાં લોકો જોડાયા હતા. એક ઇન્ટરવ્યુમાં શાહે દાવો કર્યો કે ભાજપ આસામમાં 90થી વધુ બેઠકો જીતશે અને ફરીથી સરકાર બનાવશે. તેમણે સ્પષ્ટ કર્યું કે Himanta Biswa Sarma ફરી મુખ્યમંત્રી બનશે.
અમિત શાહે(Amit Shahs)હિમંત બિસ્વા શર્માના કામની પ્રશંસા કરતાં જણાવ્યું કે આસામ આજે શિક્ષણ અને આરોગ્ય સેવાઓમાં સમગ્ર ઉત્તરપૂર્વ માટે કેન્દ્ર બની રહ્યું છે. રાજ્યમાં લોકો માટે સ્વચ્છ પાણી અને 24 કલાક વીજળી જેવી સુવિધાઓ ઉપલબ્ધ છે, તેમજ મહિલાઓની સુરક્ષા મજબૂત બની છે.
બંગાળ સરકાર પર પ્રહાર
આસામમાંથી જ અમિત શાહે(Amit Shahs) પશ્ચિમ બંગાળની Mamata Banerjee સરકાર પર આકરા પ્રહારો કર્યા. તેમણે કહ્યું કે રાજ્યના લોકો ટીએમસી સરકારથી નારાજ છે અને પરિવર્તન ઈચ્છે છે.
શાહે કહ્યું કે જેમ આસામમાં ઘૂસણખોરી રોકવામાં આવી છે, તેવી જ રીતે બંગાળમાં ભાજપ સરકાર બન્યા બાદ ઘૂસણખોરી સંપૂર્ણપણે બંધ કરવામાં આવશે.
તેમણે અગાઉ બંગાળમાં રજૂ કરેલી “ચાર્જશીટ”નો ઉલ્લેખ કરતા કહ્યું કે તે માત્ર ભાજપનો દસ્તાવેજ નથી, પરંતુ બંગાળની જનતાનો અવાજ છે. તેમના મતે “મા, માટી, માનુષ”ના નારા સાથે દગો થયો છે અને રાજ્યમાં સિન્ડિકેટ રાજ ચાલી રહ્યું છે.
અમિત શાહે(Amit Shahs)વધુમાં જણાવ્યું કે બંગાળમાં ભાજપનો મત હિસ્સો 2014ના 17%થી વધીને લગભગ 40% સુધી પહોંચી ગયો છે, જે પરિવર્તનની માંગ દર્શાવે છે.
તેમણે બંગાળમાં ઘૂસણખોરીને દેશની સુરક્ષા માટે મોટો ખતરો ગણાવ્યો અને કહ્યું કે ભાજપ સરકાર બન્યા બાદ 45 દિવસમાં સરહદ પર વાડ માટે જમીન ઉપલબ્ધ કરાવવામાં આવશે.
