વિશ્વાસ ભોજાણી -મંતવ્ય ન્યુઝ
સૌરાષ્ટ્રના સુપ્રસિદ્ધ યાત્રાધામ વીરપુર (જલારામ)ના પત્રકારોએ ગોંડલ પ્રાંત અધિકારીને આવેદનપત્ર પાઠવ્યું હતું જેમાં જણાવ્યું હતું કે કોરોનાની બીજી લહેરને કારણે આશરે બે મહિનાથી જલારામ મંદિર યાત્રાળુઓ માટે બંધ હતું. જે બે દિવસ પહેલા જ દર્શનાર્થીઓ માટે ખોલવામાં આવ્યું છે. ત્યારે સરકાર દ્વારા એક જાહેરનામું બહાર પાડવામાં આવ્યું છે કે સમગ્ર ગુજરાતમાં વેપાર કરતા નાનામોટા બધા જ વેપારીઓને પોતાના ધંધા રોજગાર પર દર દસ દિવસે કોરોનાનો RTPCR નેગેટિવ રિપોર્ટ અથવા તો વેક્સીન ફરજીયાત લઈ વેક્સીન લીધાનું પ્રમાણ પત્ર સાથે રાખીને વેપાર કરી શકે ત્યારે 18 થી 20 હજાર જેટલા લોકોની વસ્તી ધરાવતા યાત્રાધામ વીરપુરમાં વેપારીઓ જ્યારે વેક્સીન લેવા માટે વીરપુરની સરકારી હોસ્પિટલમાં જાય ત્યારે સરકારી હોસ્પિટલના કર્મચારીઓ અહિયાં વેક્સીન નથી તમે રાજકોટ અથવા બીજા કોઈ શહેરમાં જઈને વેક્સીન લઈ લો તેવા ઉડાવ જવાબ આપતા હોવાની ગામલોકોએ અમોને ફરીયાદ કરેલ હતી.
જે અનુસંધાને ગામના જ કેટલાક જાગૃત યુવાનો આ બાબતે સરકારી હોસ્પીટલે રજુઆત કરવા જવાના હોવાની અમોને જાણ કરી હતી. જેથી અમો પત્રકારો અમારી ફરજ મુજબ જાગૃત યુવાનો સાથે સરકારી હોસ્પીટલે જતા હોસ્પીટલમાં વેકસીનની નોંધ કરતાં કોમ્પ્યુટર ઓપરેટર અને ડૉ. ડોડીયાએ ઉડાવ જવાબ આપી જાગૃત યુવાનો સાથે પત્રકારોને પણ હડધૂત કરીને હોસ્પિટલની બહાર નીકળી જાવ તેવુ ઉદ્ધતાય ભર્યું વર્તન કર્યું હતું.
અગાઉ જ્યારે કલેકટર અને એસડીએમ ગોંડલ પત્રકારોને કોરોના વોરીયર્સ ગણીને તેઓને રસીકરણ કરી આપવાનું હોસ્પીટલને જણાવેલ હોવા છતાં પત્રકારો જ્યારે રસી લેવા માટે ગયા ત્યારે કોમ્પ્યુટર ઓપરેટરે રસી આપવાની ચોખ્ખી ના પાડી દીધી હતી. અને અધિકારીઓ આદેશનું પણ ઉલ્લંઘન કરેલ હતું. તત્કાલીન સમયે ડો. ડોડીયાએ પણ કોમ્પ્યુટર ઓપરેટરનો પક્ષ લઈ અમોને રસીકરણ કરવાની ના પાડી દીધી હતી. જે અંગે અમોએ આપને રજુઆત પણ કરી હતી. અમારી રજુઆતના અનુસંધાને જ આ કોમ્પ્યુટર ઓપરેટર અને ડૉ. ડોડીયા અમારી સાથે ઉદ્ધતાઈ પૂર્વકનું રાગદ્વેષ ભર્યું વર્તન કરે છે.
જેથી પત્રકારો સાથે વારંવાર અપમાનજનક વર્તન કરનાર કોમ્પ્યુટર ઓપરેટરને છુટા કરવા તેમજ ડોકટર સામે ખાતાકીય પગલાં ભરી તેની બદલી કરવા અંતમાં માંગ કરી હતી.
