તમે માણસોને શર્ટ-પેન્ટ પહેરેલા જોયો હશે, પણ શું તમે ક્યારેય હાથીઓને કપડાં પહેરેલા જોયા છે અને એ પણ તે શર્ટ પેન્ટ, જો ના તો આજે અમે તમને બનાવી શું. જી હા, આ વાત સાવ સાચી છે. દેશના પ્રખ્યાત ઉદ્યોગપતિ આનંદ મહિન્દ્રાએ પોતાના સોશિયલ મીડિયા હેન્ડલ ટ્વિટર પર એક હાથીની તસવીર શેર કરી છે જેણે એકદમ માણસોની જેમ પોશાક પહેર્યા છે.
આનંદ મહિન્દ્રાએ 3 માર્ચે ટ્વિટર પર નવી પોસ્ટમાં હાથીની તસવીર શેર કરી હતી, જેમાં હાથી શર્ટ અને પેન્ટ પહેરેલો જોવા મળી રહ્યો છે. આનંદ મહિન્દ્રાએ તેને ‘અતુલ્ય ભારત’ કેપ્શન સાથે શેર કરી છે, જે પછી આ તસવીર સોશિયલ મીડિયા પર ખુબ જ વાયરલ થઈ છે.
તસવીરમાં જોવા મળી રહ્યું છે કે હાથીએ જાંબુડિયા રંગનો શર્ટ અને બ્લેક બેલ્ટ સાથે સફેદ પેન્ટ પહેર્યું છે. હાથી તેના મહાવત સાથે આ ડ્રેસમાં ફરતો મળી રહ્યો છે. થોડી મિનિટોમાં જ આ તસવીરને 3,000 થી વધુ લોકોએ લાઈક કરી છે.
એક સોશિયલ મીડિયા યુઝરે આ તસવીર પર લખ્યું, “એવું લાગે છે કે તે હાથીએ જીન્સ પહેર્યું છે. ખૂબ ફેશનેબલ.” અન્ય વ્યક્તિએ લખ્યું, “મહાવત માટે લૂંગી અને હાથી માટે પેન્ટ, અદ્ભુત છે”. એક યુઝરે લખ્યું કે તે સાબિત થયું છે કે ભારત હાથીઓ સહિત આખા વિશ્વને પોશાક આપી શકે છે.
આ તસ્વીર દેશના ક્યાં રાજ્યની છે તે જાની શકાયું નથી, પરંતુ મહાવતની પોષાકો જોઇને લોકો જણાવી રહ્યા છે કે આ દક્ષિણ ભારતના એક શહેરનો વીડિયો છે.
