માઈક્રોસોફ્ટ ઈન્ડિયાના પ્રમુખ અનંત મહેશ્વરીએ સોફ્ટવેર કંપનીમાં લગભગ સાત વર્ષના કાર્યકાળ બાદ તેમની ભૂમિકામાંથી રાજીનામું આપી દીધું છે. આ અંગે કંપની દ્વારા સત્તાવાર માહિતી આપવામાં આવી છે.તેમના રાજીનામા બાદ ઈરિના ઘોષ ઘોષને કંપનીમાં મેનેજિંગ ડિરેક્ટરના પદ પર પ્રમોશન આપવામાં આવ્યું છે. કોણ છે અનંત મહેશ્વરી અને તેણે માઈક્રોસોફ્ટ ઈન્ડિયા કેમ છોડ્યું, આવો જાણીએ તમામ વિગત.
અનંત મહેશ્વરીએ માઈક્રોસોફ્ટ ઈન્ડિયામાં કુલ 7 વર્ષ સેવા આપી છે. માઇક્રોસોફ્ટમાં જોડાતા પહેલા, મહેશ્વરીએ હનીવેલ ઇન્ડિયામાં પ્રેસિડેન્ટ અને મેકકિન્સે એન્ડ કંપનીમાં એન્ગેજમેન્ટ મેનેજર તરીકે સેવા આપી હતી. તેમના રાજીનામા અંગેના સત્તાવાર નિવેદનમાં, કંપનીના પ્રવક્તાએ જણાવ્યું હતું કે, “અમે પુષ્ટિ કરી શકીએ છીએ કે અનંતે કંપનીની બહાર ભૂમિકા નિભાવવા માટે માઇક્રોસોફ્ટ છોડવાનો નિર્ણય લીધો છે.” અમે ભારતમાં અમારા વ્યવસાય અને સંસ્કૃતિમાં અનંતના અનેક યોગદાન માટે આભાર માનીએ છીએ અને તેમના ભાવિ પ્રયાસોમાં તેમને દરેક સફળતાની શુભેચ્છા પાઠવીએ છીએ.
કંપનીએ નવતેજ બાલને નવા ચીફ ઓપરેટિંગ ઓફિસર તરીકે બઢતી આપી છે, કારણ કે વેંકટ કૃષ્ણન જાહેર ક્ષેત્રના બિઝનેસના એક્ઝિક્યુટિવ ડિરેક્ટર તરીકેની ભૂમિકા નિભાવે છે. અનંત મહેશ્વરીએ સંસ્થા છોડી દીધા બાદ બહુરાષ્ટ્રીય સોફ્ટવેર જાયન્ટના ટોચના અધિકારીઓમાં ફેરબદલ કરવામાં આવ્યો છે. માઈક્રોસોફ્ટે કંપનીના ચીફ ઓપરેટિંગ ઓફિસર ઈરિના ઘોષને ભારત માટે મેનેજિંગ ડિરેક્ટરની ભૂમિકા માટે બઢતી આપી છે.
