ફેસબુક પર થયેલા પ્રેમ ખાતર ભારતથી પાકિસ્તાન પહોંચી અંજુના લગ્ન થઇ ચૂક્યાના સમાચાર સામે આવ્યા હતા.આ સાથે જ અંજુનો એક વીડિયો પણ સોશિયલ મીડિયા પર વાયરલ થયો હતો. જેમાં અંજુ અને નસરુલ્લા સુંદર પહાડોની વચ્ચે જોવા મળ્યા હતા. આ દરમિયાન પાકિસ્તાનમાંથી અંજુનો વધુ એક વીડિયો સામે આવ્યો છે. જેમાં અંજુ નસરુલ્લાના મિત્રો સાથે શાનદાર ડિનર કરતી જોવા મળે છે. આ વીડિયો ઝડપથી વાયરલ થઈ રહ્યો છે. આ વાયરલ વીડિયોમાં અંજુ, નસરુલ્લા અને તેની બ્લોગર મિત્ર નોમી ખાન સિવાય અન્ય ઘણા લોકો પણ ટેબલ પર ભોજન લેતા જોવા મળે છે. આ વીડિયો પાકિસ્તાની પત્રકાર દિલીપ કુમાર ખત્રીએ શેર કર્યો છે.
અંજુએ તેના પ્રેમીને ખાતર પતિ અને બાળકોને છોડી દીધા હતા
જણાવી દઈએ કે રાજસ્થાનના અલવરની રહેવાસી અંજુને ફેસબુક દ્વારા પાકિસ્તાનના નસરુલ્લા સાથે પ્રેમ થઈ ગયો હતો. જે બાદ અંજુએ પાસપોર્ટ બનાવ્યો અને વિઝા લઈને પાકિસ્તાન પહોંચી ગઈ. અંજુના પાકિસ્તાનમાં રહેવાની ખબર ત્યારે પડી જ્યારે બાળકોની તબિયત બગડતાં અંજુના પતિએ અંજુને ફોન કર્યો અને કહ્યું કે તે પરત આવી જાય. ત્યારે અંજુએ કહ્યું કે તે પાકિસ્તાનમાં છે. પરંતુ તે પછી અંજુ અને નસરુલ્લાના લગ્નના સમાચાર પણ સામે આવ્યા હતા.જોકે અંજુએ ના પાડી દીધી હતી. બીજી તરફ પાકિસ્તાનના ખૈબર પખ્તુનખ્વા પ્રાંતના અપર ડીર જિલ્લાના એસપીએ જણાવ્યું કે જ્યારે અંજુ ભારતથી પાકિસ્તાન પહોંચી ત્યારે તેની પૂછપરછ કરવામાં આવી હતી. આ સાથે નસરુલ્લાને અંજુને 21 ઓગસ્ટ પહેલા ભારત મોકલવા પર રોક લગાવવામાં આવી છે કારણ કે અંજુ પાસે માત્ર ઓગસ્ટ સુધીના વિઝા છે.
ડીઆઈજીએ બંનેના લગ્નની માહિતી આપી હતી
બીજી તરફ અંજુ ભલે આ લગ્નને નકારી રહી હોય પરંતુ તેના લગ્નના નિકાહનામા સોશિયલ મીડિયામાં વાયરલ થઈ રહ્યા છે. જેમાં અંજુના નામની જગ્યાએ ફાતિમાનું નામ લખવામાં આવ્યું છે. આ વાતની પુષ્ટિ ખુદ મલાકંદ ડિવિઝનના ડીઆઈજીનાસિર મહમૂદ દસ્તીએ કરી છે. જોકે અંજુ અને નસરુલ્લાએ નિકાહની વાતને નકારી કાઢી છે. પરંતુ જિયો ન્યૂઝના ડીઆઈજી નાસિર મેહમૂદ દસ્તીના નિવેદનના આધારે જણાવ્યું કે અંજુએ પોતાનો ધર્મ બદલીને પોતાનું નામ ફાતિમા રાખ્યું છે. એવું કહેવામાં આવ્યું હતું કે 25 જુલાઈના રોજ બંનેએ જિલ્લા કોર્ટમાં લગ્ન કર્યા હતા.
આ પણ વાંચો:પ્રેમ માટે પાકિસ્તાન પહોંચી અંજુ, કેમ રાખ્યું ફાતિમા નામ? જાણો શું છે આનું કારણ
આ પણ વાંચો:ગ્રીસમાં વાયુસેનાનું વિમાન દુર્ઘટનાગ્રસ્ત, બે પાયલોટના મોત
આ પણ વાંચો:પૂર્વી સુડાનમાં પ્લેન ક્રેશ, ચાર સૈન્ય કર્મચારીઓ સહિત નવ લોકોનાં મોત
