Apple એ ‘કેલિફોર્નિયા સ્ટ્રીમિંગ’ નામની તેની મોટી અને મેગા ઇવેન્ટનું આયોજન કર્યું હતું. જેમા Apple એ iPhone 13 લોન્ચ કર્યો. iPhone 13, iPhone 13 મીની A15 બાયોનિક ચિપસેટ દ્વારા સંચાલિત થશે. ડિસ્પ્લેમાં 1200 નીટ્સની બ્રાઇટનેસ છે. iPhone 13 અને iPhone 13 મીની ડિસ્પ્લે સાઇઝ 6.1 ઇંચ અને 5.4 ઇંચ છે. નવા iPhone બંને 5G હશે. iPhone 13 Mini ની કિંમત $ 699 થી શરૂ થશે. iPhone 13 ની કિંમત $ 799 થી શરૂ થશે. બેઝ સ્ટોરેજ હવે 128GB છે. iPhone 13 Pro, Pro Max ની પણ જાહેરાત કરી. Apple iPhone 13 Pro ચાર નવા રંગોમાં છે.
આ પણ વાંચો – Technology / આઇફોન 13 સીરીઝમાં પ્રથમ વખત 1 ટીબી સ્ટોરેજ સુવિધા ઉપલબ્ધ થશે
Apple એ જૂની ડિઝાઇન સાથે iPhone 13 લોન્ચ કર્યો છે. વળી, Apple Watch ની નવા એડિશનમાં ફિટનેસ પર વધુ ધ્યાન આપવામાં આવ્યું છે. ફિટનેસ પ્લસ સબ્સ્ક્રિપ્શન લઈને, તમને વિવિધ પ્રકારનાં તાલીમ કાર્યક્રમો પણ મળશે. એવી ધારણા હતી કે આ વખતે Apple Watch માં બ્લડ પ્રેશર મોનિટર આપવામાં આવશે, પરંતુ એવું થયું નહીં. Apple Watch સીરીઝમાં ઓછામાં ઓછી બેઝલ્સનો ઉપયોગ કરવામાં આવ્યો છે. તેના આકારમાં પણ કેટલાક ફેરફાર છે અને રાઉન્ડેડ કોર્નર આપવામાં આવ્યા છે. તે પહેલાની સરખામણીમાં 70% બ્રાઇટ છે અને યુઝર ઇન્ટરફેસ પણ પહેલા કરતા વધુ સરળ બનાવવામાં આવ્યું છે. iPhone 13 Pro ની કિંમત $ 1099 થી શરૂ થાય છે. તેનું વેચાણ 24 સપ્ટેમ્બરથી શરૂ થશે. અત્યાર સુધીમાં ચાર નવા આઇફોન લોન્ચ કરવામાં આવ્યા છે. અગાઉનાં iPhone કરતા વધુ બેટરી બેકઅપ ઉપલબ્ધ થશે. કંપનીનાં જણાવ્યા અનુસાર, iPhone 13 Pro એક દિવસમાં સંપૂર્ણ ચાર્જ પર ચાલી શકે છે. વળી, iPhone 13 Pro ને પ્રો ગ્રેડ વીડિયો રેકોર્ડ કરવા માટે સક્ષમ બનાવવામાં આવ્યો છે.
આ પણ વાંચો – Technology / શું તમને ચશ્માનો શોખ છે? તો રાહ જુઓ, Xiaomi જલ્દી લાવી રહ્યુ છે સ્માર્ટ ચશ્મા
Apple એ Pro સીરીઝની કિંમતોની પુષ્ટિ કરી છે. iPhone 13 Pro ની કિંમત 1,19,900 રૂપિયા અને iPhone 13 Pro મેક્સની કિંમત 1,29,900 રૂપિયા છે, જે ગયા વર્ષની જેમ જ છે. 12 Pro અને 12 Pro મેક્સની શરૂઆત આ જ કિંમતે શરૂ થઇ હતી. Apple એ iPhone 13 અને iPhone 13 Mini ની કિંમત અનુક્રમે 79,900 અને 69,900 રૂપિયા રાખી છે, જે ગયા વર્ષની જેમ જ છે. વેચાણ 24 સપ્ટેમ્બરથી શરૂ થશે. તમે 17 સપ્ટેમ્બરથી પ્રી-ઓર્ડર કરી શકો છો. iPhone 13 Pro અને Pro મેક્સ બંનેમાં અગાઉનાં વર્ઝન કરતા મોટી બેટરી છે. iPhone 13 Pro ની બેટરી અગાઉનાં iPhone 12 Pro કરતા દોઢ કલાક લાંબી ચાલે છે, જ્યારે 13 Pro મેક્સમાં અઢી કલાક વધારે છે.
