રીપબ્લીક ટીવીના મુખ્ય સંપાદક અર્નબ ગોસ્વામીને આત્મહત્યાના બે વર્ષ જુના કેસમાં ધરપકડ કરવામાં આવી છે. શુક્રવારે બોમ્બે હાઈકોર્ટ તરફથી કોઈ રાહત મળી નથી. હાઈકોર્ટ હવે આવતીકાલે (શનિવારે) બપોરે 12 વાગ્યે અર્નબની અરજી પર સુનાવણી કરશે. હાઇ કોર્ટે અર્નબના વકીલને જામીન અરજી કરવાની સલાહ આપી હતી જેથી મુખ્ય ન્યાયાધીશ આ કેસ ડિવિઝન બેંચને ફાળવી શકે.
હાઈકોર્ટે કહ્યું છે કે તેઓ દરેકને સાંભળ્યા વિના ઓર્ડર નહીં આપે. હાઈકોર્ટે અગાઉ 11 વાગ્યે સમય આપ્યો હતો, પરંતુ અર્ણબ ગોસ્વામી ના, વકીલ હરીશ સાલ્વેએ કહ્યું કે તે લંડનમાં છે, અને ત્યાનો સમય જે 5.30 કલાક પાછળ છે. આને કારણે સુનાવણી 11 ને બદલે 12 વાગ્યે કરવામાં આવશે.
gujarat / રાજ્ય સરકારના અધિકારી/કર્મચારી/પેન્શનરોને દિવાળીની ભેટ, હવે …
અર્નબની હાઈકોર્ટમાં દલીલ શું હતી..?
તેમની ધરપકડને ગેરકાયદેસર ગણાવીને અર્નબ ગોસ્વામીએ બોમ્બે હાઇકોર્ટમાં અરજી કરી હતી. તેમણે તપાસ અટકાવવા, મુક્ત કરવા અને તેમની વિરુદ્ધ નોંધાયેલ એફઆઈઆર રદ કરવા વિનંતી કરી છે. જસ્ટિસ એસ.એસ. શિંદે અને જસ્ટિસ એમ.એસ. કર્ણિકની ડિવીઝન બેંચે ગોસ્વામીને આ કેસમાં ફરિયાદી બનવા માટે અનવય નાયકની વિધવા અક્ષતા નાઈકને નિર્દેશ આપ્યો હતો.
suprime court / ઘરની અંદર SC/ST વિરુદ્ધ ટિપ્પણી કરવીએ ગુનો નથી: સુપ્રીમ કોર…
ખંડપીઠે કહ્યું હતું કે, માંગેલી વચગાળાની રાહત અંગે વિચાર કરતા પહેલા અમારે તમામ સંબંધિત પક્ષોની સુનાવણી કરવી પડશે. અમારે ફરિયાદીની વાત પણ સાંભળવી પડશે, કારણ કે મૃતકના પરિવારે તપાસ ટ્રાન્સફર કરવા માટે અરજી કરી છે. ‘ કોર્ટે કહ્યું, “પ્રતિવાદીઓ (મહારાષ્ટ્ર સરકાર અને ફરિયાદી) જવાબ આપવાના હકદાર છે … અમે આવતીકાલે માંગેલી વચગાળાની રાહત તરફ ધ્યાન આપીશું.”
અર્નબ ગોસ્વામીના વકીલ અબાદ પોંડાએ કહ્યું કે અલીબાગની કોર્ટમાં અપાયેલી જામીન અરજી પરત ખેંચી લેવામાં આવી છે. તેમણે કહ્યું, “જામીન અરજીની સુનાવણી ક્યારે થશે તે મેજિસ્ટ્રેટે સ્પષ્ટપણે કહ્યું ન હતું અને તેમણે સુનાવણી કરવામાં પણ મુશ્કેલી વ્યક્ત કરી હતી કારણ કે આ મામલો સેશન્સ કોર્ટના અધિકારક્ષેત્ર હેઠળ છે.” પોંડાએ કહ્યું, “તેથી અમે અહીંની હાઇકોર્ટમાં વચગાળાના જામીન માટે અરજી કરી રહ્યા છીએ.”
ચેતવણી / WHOઓ વિશ્વને આપી ચેતવણી, નવી મહામારી(રોગચાળો) માટે રહો તૈયાર…
સિનિયર એડવોકેટ હરીશ સાલ્વે, અર્નબ ગોસ્વામીની તરફેણમાં દલીલ કરી હતી કે જો તેમનો ક્લાયંટ છૂટી જાય તો કાર્યવાહીમાં કોઈ નુકસાન નહીં થાય. જો કે, હાઈ કોર્ટે જણાવ્યું હતું કે તે પ્રતિવાદીઓને તેમની દલીલો રજૂ કરવાની તક આપ્યા વિના જામીનનાં મુદ્દા પર વિચાર કરી શકે નહીં. પોંડાએ એવી દલીલ પણ કરી હતી કે પોલીસે બંધ કેસ ખોલ્યો હતો જેમાં ક્લોઝર રિપોર્ટ દાખલ કરવામાં આવ્યો હતો અને તેને 16 એપ્રિલ, 2019 ના રોજ રાયગઢ જિલ્લાના ચીફ જ્યુડિશિયલ મેજિસ્ટ્રેટે સ્વીકાર્યો હતો.
શું આરોપ છે. .?
અર્નબ પર આરોપ છે કે તેણે 2018 માં અનવય નાઈક અને તેની માતાને આત્મહત્યા કરવા પર મજબુર કર્યા હતા. અર્નબ ગોસ્વામીને બુધવારે મુંબઇના લોઅર પરેલ સ્થિત તેના ઘરેથી ધરપકડ કરવામાં આવી હતી અને આર્કિટેક્ટ અને ઇન્ટીરીયર ડિઝાઇનર અનવય નાઇક અને તેની માતાને આપઘાત કરવા મજબુર કરવાના આરોપ સર રાયગઢ જિલ્લાના અલીબાગ પોલીસ સ્ટેશન લઈ જવામાં આવ્યો હતો. ત્યારબાદ તેને અલીબાગની કોર્ટમાં રજૂ કરવામાં આવ્યો, જેણે તેને 18 નવેમ્બર સુધી ન્યાયિક કસ્ટડીમાં મોકલી આપ્યો.
