દિલ્હી દારૂ કૌભાંડમાં એન્ફોર્સમેન્ટ ડિરેક્ટોરેટ (ED) દ્વારા ધરપકડ કરાયેલા મુખ્યમંત્રી અરવિંદ કેજરીવાલ જેલમાં છે. દિલ્હીના CM અરવિંદ કેજરીવાલ જેલમાંથી સરકાર ચલાવશે. સૂત્રોના જણાવ્યા અનુસાર, અરવિંદ કેજરીવાલે EDની કસ્ટડીમાં પોતાનો પહેલો આદેશ જારી કર્યો છે, જે જળ મંત્રાલય સાથે સંબંધિત છે. આ આદેશની નોટિસ દિલ્હી સરકારના મંત્રી આતિશીને મોકલવામાં આવી છે. જળ મંત્રી આતિશી આજે એટલે કે રવિવારે સવારે 10 વાગે પ્રેસ કોન્ફરન્સ કરવાના છે.
અંદર હોઉ કે બહાર કામ તો થશે
દિલ્હીની રાઉઝ એવન્યુ કોર્ટે મુખ્યમંત્રી અરવિંદ કેજરીવાલના રિમાન્ડ પર પોતાનો ચુકાદો આપ્યો હતો. કોર્ટે અરવિંદ કેજરીવાલના 28 માર્ચ સુધી EDને રિમાન્ડ આપ્યા છે. મીડીયા સાથેની વાતચીતમાં કેજરીવાલે કહ્યું હતું કે હું મુખ્યમંત્રી પદ પરથી રાજીનામું નહીં આપું અને જો મારે કરવું પડશે તો હું જેલમાંથી સરકાર ચલાવવાનું કામ કરીશ. તેમણે કહ્યું કે હું અંદર હોઉ કે બહાર સરકારની કામગીરી અવશ્ય થશે. જેલમાંથી સરકાર ચાલશે. કેજરીવાલે કહ્યું, ‘મને ખાતરી છે કે અમને સમસ્યાઓનો સામનો કરવો પડશે પરંતુ અમે આમાંથી કામ કરવાનો પ્રયાસ કરીશું. દિલ્હીના લોકો આ જ ઈચ્છે છે.
હું ડરતો નથી
ધરપકડ બાદ કેજરીવાલે કહ્યું હતું કે EDના અધિકારીઓ સારી રીતે અને સન્માનપૂર્વક વર્તે છે. અટકાયત દરમિયાન પૂછપરછ અપેક્ષિત નથી. તમે ભયભીત છો? આ સવાલના જવાબમાં તેણે કહ્યું કે, હું બિલકુલ ડરતો નથી, તેઓ જે ઈચ્છે તે માટે હું સંપૂર્ણપણે તૈયાર છું. તેમનો ઉદ્દેશ્ય પૂછપરછ કરવાનો નથી, માત્ર જાહેર સમર્થનની બાબતો છે. કેજરીવાલને દારૂ કૌભાંડનો કિંગપિન કહેવાના પ્રશ્ન પર તેમણે કહ્યું, ‘નીતિ ઘણા સ્તરોમાંથી પસાર થઈ છે. કાયદા સચિવ, નાણાં સચિવ બધાએ સહી કરી. એલજીએ પણ હસ્તાક્ષર કર્યા હતા. સમજાતું નથી કે માત્ર કેજરીવાલ અને સિસોદિયા કેવી રીતે સંકજામાં છે.
કેજરીવાલની ધરપકડ પર ED
EDએ રિમાન્ડ કોપીમાં જણાવ્યું હતું કે અરવિંદ કેજરીવાલની લિકર પોલિસીની રચના, અમલીકરણ અને ગુનાની કાર્યવાહીના ઉપયોગમાં અનિયમિતતામાં ભૂમિકા છે. EDએ કહ્યું કે સીએમ કેજરીવાલ દિલ્હી સરકારના મંત્રીઓ, AAP નેતાઓ અને અન્ય વ્યક્તિઓ સાથે મળીને દિલ્હી લિકર પોલિસી કૌભાંડના મુખ્ય કાવતરાખોર છે. તપાસ એજન્સીએ કહ્યું કે અરવિંદ કેજરીવાલ કેટલાક લોકોને ફાયદો કરાવવા માટે લિકર પોલિસી 2021-22 તૈયાર કરવાના ષડયંત્રમાં સામેલ હતા અને આ પોલિસીમાં લાભ આપવાના બદલામાં તેમણે દારૂના ધંધાર્થીઓ પાસેથી લાંચ લીધી હતી.
EDની ટીમ અચાનક ગુરુવારે સાંજે 10મીએ કેજરીવાલના ઘરે પહોંચી હતી. 2 કલાક સુધી તેમની પૂછપરછ કર્યા બાદ તેમની લિકર પોલિસી કેસમાં ધરપકડ કરવામાં આવી હતી, ત્યારબાદ આજે તેમને રાઉઝ એવન્યુ કોર્ટમાં રજૂ કરવામાં આવ્યા હતા અને કોર્ટે તેમને EDમાં 7 દિવસ માટે કસ્ટડી મોકલી દીધા હતા.
આ પણ વાંચોઃ Ahmedabad-Fire Incident/બોપલના TRP મોલમાં ગેમિંગ ઝોનમાં ભીષણ આગ દુર્ઘટના, ભારે જહેમત બાદ 2 કલાકમાં મેળવ્યો કાબૂ, જાનહાનિ ટળી
આ પણ વાંચોઃ Cyber Fraud/MICA ના વડા શૈલેન્દ્ર રાજ મહેતા સાથે કરોડથી વધુ રકમનો સાઇબર ફ્રોડ
આ પણ વાંચોઃ Surat/ સુરતના ભાજપના કોર્પોરેટરનું હાર્ટ એટેકથી અવસાન
આ પણ વાંચોઃ Ahmedabad Incident/વાડજની પરિણીતા પાસે સાસરિયાઓએ કરી દહેજની માંગણી, પતિએ છૂટાછેડા માંગતા આપ્યું વિચિત્ર કારણ