CWG 2022/ ઓસ્ટ્રેલિયાએ ફાઇનલમાં ભારતને 162 રનનો ટાર્ગેટ આપ્યો

કોમનવેલ્થ ગેમ્સમાં ભારત અને ઓસ્ટ્રેલિયા વચ્ચે મહિલા T20 ક્રિકેટની ફાઈનલ મેચ રમાઈ રહી છે. ઓસ્ટ્રેલિયાએ ટોસ જીતીને પ્રથમ બેટિંગ કરવાનો નિર્ણય કર્યો હતો. તેણે ભારતને 162 રનનો લક્ષ્યાંક આપ્યો છે. જે ટીમ આ મેચ જીતશે તે ગોલ્ડ મેડલ કબજે કરશે. સાથે જ હારનાર ટીમને સિલ્વર મેડલથી સંતોષ માનવો પડશે. ભારતીય મહિલા ટીમને ગોલ્ડ મેડલ જીતવા માટે 162 રનનો ટાર્ગેટ મળ્યો છે. ઓસ્ટ્રેલિયાએ 20 ઓવરમાં 8 વિકેટે 161 રન બનાવ્યા હતા. તેના માટે બેથ મૂનીએ સૌથી વધુ 61 રન બનાવ્યા હતા. મેગ લેનિંગે 36, એશ્લે ગાર્ડનરે 25 અને રશેલ હેન્સે અણનમ 18 રન બનાવ્યા હતા. ભારત તરફથી રેણુકા સિંહ અને સ્નેહ રાણાએ બે-બે વિકેટ લીધી હતી. દીપ્તિ શર્મા અને રાધા યાદવને એક-એક સફળતા મળી.