વેસ્ટ ઈન્ડિઝ સામેની સીરીઝ માટે ભારતીય ટીમમાં સામેલ અવેશ ખાને તેની પસંદગીનો શ્રેય IPL ને આપ્યો છે. અવેશ ખાનને IPL 2021માં દિલ્હી કેપિટલ્સની ટીમમાં સામેલ કરવામાં આવ્યો હતો. તે ટૂર્નામેન્ટમાં સૌથી વધુ વિકેટ લેનાર બોલરોમાં બીજા ક્રમે હતો.
આ પણ વાંચો – Changes From 1st February / આજથી બેંક અને સિલિન્ડર સહિત અનેક નિયમોમાં થશે ફેરફાર,જાણો વિગત
અવેશ ખાને 16 મેચમાં 24 વિકેટ લીધી હતી. વિકેટ લેવામાં તે હર્ષલ પટેલ (32 વિકેટ) પછી બીજા ક્રમે હતો. હવે તેને વેસ્ટ ઈન્ડિઝ સામેની ત્રણ વનડે અને ત્રણ T-20 મેચ માટે ભારતીય ટીમમાં સામેલ કરવામાં આવ્યો છે. પોતાના સિલેક્શન પર મીડિયા સાથે વાત કરતા તેણે કહ્યું કે, IPL નાં કારણે જ મને ભારતીય ટીમમાં સ્થાન મળ્યું છે. હું મારી પસંદગીનો તમામ શ્રેય IPLને આપીશ. આપને જણાવી દઈએ કે, બીજા સૌથી વધુ વિકેટ લેનાર બોલર હોવા છતા, દિલ્હી કેપિટલ્સે અવેશ ખાનને જાળવી રાખ્યો નથી. ઋષભ પંત, અક્ષર પટેલ, પૃથ્વી શો અને એનરિક નાર્કિયાને IPL 2022 માટે દિલ્હી કેપિટલ્સ ટીમે જાળવી રાખ્યો છે. હવે અવેશ ખાન ફરીથી IPLની મેગા ઓક્શનમાં ઉતરશે. આ વખતે તેમના પર ઘણી ઊંચી બોલી લગાય તેવી પૂરી શક્યતા છે.
આ પણ વાંચો – કિશન ભરવાડ હત્યા કેસ / મૌલાના કમરગાની ઉસ્માની યુવકોને આ રીતે હુમલો કરવા ઉશ્કેરતો હતો… ATSનો મોટો ખુલાસો
અવેશ ખાન ટીમ ઈન્ડિયાનો ઉભરતો સ્ટાર છે. IPL ની છેલ્લી સીઝનમાં દિલ્હી કેપિટલ્સ ટીમ તરફથી રમતી વખતે શાનદાર પ્રદર્શન કરનાર ફાસ્ટ બોલરને વેસ્ટ ઈન્ડિઝ સામેની ODI અને T20 સીરીઝ માટે ભારતીય ટીમમાં સામેલ કરવામાં આવ્યો છે. અવેશ ખાનનું પ્રારંભિક જીવન ઘણા સંઘર્ષોમાં પસાર થયું હતું. બેકસ્ટેજ વિથ બોરિયા સાથેની વાતચીત દરમિયાન અવેશ ખાને તેના જીવન સાથે જોડાયેલી કેટલીક ન સાંભળેલી વાતો શેર કરી હતી. અવેશ ખાને જણાવ્યું કે, તેણે અને તેના માતા-પિતાએ કેવી રીતે સંઘર્ષ કર્યો હતો. અવેશ ખાને કહ્યું, ‘જો હું સંઘર્ષ વિશે કહું તો માત્ર મને અને મારા માતા-પિતાએ જ અનુભવ્યું છે. સારું, જો હું તમને કહું, તો મારો કહેવાનો સંઘર્ષ 2 મિનિટમાં ખતમ થઈ જશે, પરંતુ અમે તે સંઘર્ષ 10 વર્ષથી જીવ્યા છીએ. હું તમને તે સંઘર્ષ કહીશ, પરંતુ તે ફક્ત હું અને મારા માતા-પિતા અનુભવી શકીએ છીએ.
