Varanasi News : પ્રયાગરાજના માઘ મેળામાં થયેલા વિવાદ બાદ શંકરાચાર્ય સ્વામી અવિમુક્તેશ્વરાનંદ (Avimukteshwaranand’s)સતત ઉત્તર પ્રદેશ સરકાર અને મુખ્યમંત્રી યોગી આદિત્યનાથ પર આક્રમક બની રહ્યા છે. શુક્રવારે વારાણસીમાં યોજાયેલી પ્રેસ કોન્ફરન્સમાં તેમણે સરકાર સામે તીવ્ર શબ્દોમાં પ્રહાર કરતા કહ્યું કે હવે પુરાવા આપવાનો સમય મુખ્યમંત્રીએ છે.
અવિમુક્તેશ્વરાનંદે (Avimukteshwaranand’s)સ્પષ્ટ શબ્દોમાં કહ્યું કે તેમની પાસેથી શંકરાચાર્ય હોવાનો પુરાવો માંગવામાં આવ્યો હતો, જે તેમણે રજૂ કર્યો અને તે સાચો સાબિત થયો. હવે યોગી સરકારે પોતાનું “હિંદુત્વ” સાબિત કરવું જોઈએ.
“40 દિવસનો સમય આપીએ છીએ, નહીં તો નકલી હિંદુ સાબિત થશો”
સ્વામી અવિમુક્તેશ્વરાનંદે (Avimukteshwaranand’s)મુખ્યમંત્રીને સીધો પડકાર આપતા કહ્યું: “અમે તમને 40 દિવસનો સમય આપી રહ્યા છીએ. આ દરમિયાન તમે ગૌભક્ત હોવાનો પુરાવો આપો. જો પુરાવો નહીં આપી શકો તો માનવું પડશે કે તમે નકલી હિંદુ, પાખંડી અને ઢોંગી છો. ફક્ત દેખાડા માટે ભગવો પહેર્યો છે.”
તેમણે વધુમાં કહ્યું કે જો યોગી સાચા અર્થમાં હિંદુ છે તો ગૌમાતાને રાજ્ય માતા જાહેર કરે, યુપીમાંથી ગૌમાંસની નિકાસ બંધ કરે અને ગૌહત્યાબંધીને કડક રીતે અમલમાં મૂકે.
“ગૌહત્યાબંધીની માંગ કરનારાઓ પર હુમલા થઈ રહ્યા છે”
શંકરાચાર્યએ આરોપ લગાવ્યો કે મુખ્યમંત્રી યોગી અને જગદ્ગુરુ રામભદ્રાચાર્ય ગૌહત્યાબંધીની માંગ કરનાર સંતો અને કાર્યકર્તાઓને ઘેરાબંધી કરીને દબાવવાનો પ્રયાસ કરી રહ્યા છે. તેમણે કહ્યું: “જો તમે ખરેખર હિંદુ છો તો ગૌમાતાને રાજ્ય માતાનો દરજ્જો આપો. નહીં તો અમે તમને બિન-હિંદુ જાહેર કરીશું.”
વિવાદની શરૂઆત: માઘ મેળામાં પોલીસ દ્વારા પાલખી રોકાઈ
આ સમગ્ર વિવાદની શરૂઆત 18 જાન્યુઆરીથી થઈ હતી. માઘ મેળામાં સ્નાન કરવા જઈ રહેલા શંકરાચાર્ય સ્વામી અવિમુક્તેશ્વરાનંદ (Avimukteshwaranand’s)ની પાલખીને પોલીસે રોકી હતી.
વિરોધ કરવા પર તેમના શિષ્યો સાથે ધક્કામુક્કી થઈ અને શિખા પકડીને ઘસડવાનો આરોપ પણ લાગ્યો હતો. આ ઘટનાથી નારાજ થઈને સ્વામી અવિમુક્તેશ્વરાનંદ (Avimukteshwaranand’s)શિબિરની બહાર ધરણા પર બેસી ગયા અને 11 દિવસ સુધી શિબિરમાં પ્રવેશ કર્યો નહોતો.
પ્રશાસનની નોટિસ અને ‘કાલનેમિ’ ટિપ્પણીથી વિવાદ વધુ ઘેરાયો
પ્રશાસને બે દિવસમાં બે નોટિસ જારી કરીને શંકરાચાર્ય હોવાનો પુરાવો માંગ્યો હતો, જેના જવાબમાં અવિમુક્તેશ્વરાનંદે તમામ દસ્તાવેજો રજૂ કર્યા.આ દરમિયાન મુખ્યમંત્રી યોગીએ નામ લીધા વિના તેમને “કાલનેમિ” કહ્યા, જેના કારણે વિવાદ વધુ ઉગ્ર બન્યો.જવાબમાં શંકરાચાર્યએ યોગીની તુલના કાલનેમિ અને ઔરંગઝેબ સાથે કરી દીધી, જેના કારણે રાજકીય ગરમાવો વધી ગયો.
સંત સમાજમાં ફૂટ, ત્રણ શંકરાચાર્યો સમર્થનમાં
આ મુદ્દે સંત સમાજ બે ભાગમાં વહેંચાઈ ગયો. જોકે ત્રણેય અન્ય શંકરાચાર્યો અવિમુક્તેશ્વરાનંદના સમર્થનમાં આવ્યા હતા. શંકરાચાર્યની માંગ હતી કે પ્રશાસન માફી માંગે, ત્યાર બાદ જ તેઓ સ્નાન કરશે.
રાજીનામાઓથી રાજકીય હલચલ
વિવાદ દરમિયાન 26 જાન્યુઆરીના રોજ બરેલીના સિટી મેજિસ્ટ્રેટે શંકરાચાર્યના સમર્થનમાં રાજીનામું આપી દીધું.24 કલાક પછી અયોધ્યાના ડેપ્યુટી કમિશનર પ્રશાંત કુમારે મુખ્યમંત્રીના સમર્થનમાં રાજીનામું આપ્યું. આ ઘટનાઓએ સમગ્ર રાજ્યમાં ચર્ચાનો માહોલ ઉભો કરી દીધો.
માઘ મેળો છોડીને વિદાય: “મન એટલું વ્યથિત છે કે સ્નાન કર્યા વિના જઈ રહ્યા છીએ”
28 જાન્યુઆરીની સવારે શંકરાચાર્ય અચાનક માઘ મેળો છોડીને ચાલ્યા ગયા.તેમણે કહ્યું:“આજે મન એટલું વ્યથિત છે કે અમે સ્નાન કર્યા વિના જ વિદાય લઈ રહ્યા છીએ.”
આ ઘટના બાદ રાજકીય પક્ષોએ પણ રસ દાખવ્યો.
કોંગ્રેસના નેતાઓની મુલાકાત
યુપી કોંગ્રેસના પ્રમુખ અજય રાય અને કોંગ્રેસના રાષ્ટ્રીય મહાસચિવ અવિનાશ પાંડે શંકરાચાર્યને મળવા પહોંચ્યા.અજય રાયે કહ્યું: “શંકરાચાર્યનું પદ વિશ્વમાં શ્રેષ્ઠ છે. આ સરકારે માત્ર તેમનું નહીં પરંતુ યુગોની પરંપરાનું પણ અપમાન કર્યું છે.”
નિષ્કર્ષ: યોગી સરકાર સામે સંતોનો મોટો મોરચો?
શંકરાચાર્ય અવિમુક્તેશ્વરાનંદ (Avimukteshwaranand’s) અને યોગી સરકાર વચ્ચેનો આ વિવાદ હવે માત્ર માઘ મેળા સુધી સીમિત નથી રહ્યો. તે હવે હિંદુત્વ, ગૌરક્ષા અને સરકારની નીતિઓ સુધી પહોંચ્યો છે.આગામી 40 દિવસમાં સરકાર શું પગલાં લે છે અને આ વિવાદ કેટલો આગળ વધે છે તે જોવાનું રહેશે.
