ભારતે સંયુક્ત રાષ્ટ્ર સુરક્ષા પરિષદ (UNSC) માં રશિયા-યુક્રેન તણાવના મુદ્દા પર ચર્ચાની માંગણી માટેના મતદાનમાં ભાગ લીધો નથી. UNSCમાં એક પ્રસ્તાવ લાવવામાં આવ્યો છે, જેના દ્વારા યુક્રેનની સરહદની સ્થિતિ પર ચર્ચાની માંગ કરવામાં આવી હતી. ભારતની સાથે કેન્યા અને ગેબોને પણ આ મતદાનમાં ભાગ લીધો ન હતો. બીજી તરફ, ચીન અને રશિયાએ આ બેઠકની વિરુદ્ધમાં મતદાન કર્યું હતું. જોકે, કાઉન્સિલના 10 સભ્યોએ યુક્રેન સરહદ પર રશિયાના આક્રમણ અંગે ચર્ચા કરવાની તરફેણમાં મતદાન કર્યું હતું.
અહેવાલ છે કે ઠરાવની તરફેણમાં મતદાન કરનારા દેશોમાં નોર્વે, ફ્રાન્સ, યુએસ, યુકે, ફ્રાન્સ, આયર્લેન્ડ, બ્રાઝિલ અને મેક્સિકોનો સમાવેશ થાય છે. પ્રસ્તાવ પર ચર્ચા માટે કાઉન્સિલના નવ સભ્યોની સંમતિ જરૂરી હતી અને 10 દેશોના સમર્થન બાદ બેઠકનો રસ્તો પણ સાફ થઈ ગયો હતો.આ દરમિયાન અમેરિકી રાષ્ટ્રપતિ જો બિડેને રશિયા-યુક્રેન તણાવ અંગે ફરી ચેતવણી આપી છે. તેમણે કહ્યું છે કે જો રશિયા વાતચીત દ્વારા અમારી સુરક્ષા ચિંતાઓને દૂર કરવા માટે પ્રતિબદ્ધ છે તો અમેરિકા અને અમારા સહયોગી તે દિશામાં આગળ વધશે. જો તેના બદલે રશિયા યુક્રેન પર હુમલો કરશે તો તેને ગંભીર પરિણામોનો સામનો કરવો પડશે.
