અમદાવાદ/ બીજી વખત સીએમ બન્યા ભૂપેન્દ્ર પટેલ, તેમના નામે નથી કોઈ જમીન અને કાર, જાણો શું છે તેમની પાસે

ગુજરાત વિધાનસભાની ચૂંટણી (Gujarat Assembly Election) માં ભાજપને ઐતિહાસિક જીત મળી છે. આ પછી, ફરી એકવાર ભૂપેન્દ્ર પટેલ (Bhupendrabhai Patel) એ ગુજરાતના મુખ્યમંત્રીની ગાદી સંભાળી છે. ભૂપેન્દ્ર પટેલની બીજી વખત રાજ્યના મુખ્યમંત્રી તરીકે તાજપોશી કરવામાં આવી છે. અગાઉ ભૂપેન્દ્ર પટેલે સપ્ટેમ્બર 2021માં છેલ્લી મુદત માટે શપથ લીધા હતા. ગુજરાતના તમામ દિગ્ગજ નેતાઓમાં ભાજપ હાઈકમાન્ડે બીજી વખત ભૂપેન્દ્ર પટેલ પર વિશ્વાસ વ્યક્ત કર્યો છે. આ કારણે દરેક વ્યક્તિ તેમના વિશે જાણવા માંગે છે. ખૂબ જ સાદી શૈલીમાં જોવા મળતા ભૂપેન્દ્ર પટેલ કરોડોની મિલકતના માલિક છે, પરંતુ તેમના નામે એક પણ કાર રજીસ્ટર્ડ નથી.

તેની પાસે કેટલી છે મિલકત?

ભૂપેન્દ્ર પટેલે 2022ની વિધાનસભા ચૂંટણી વખતે આપેલા સોગંદનામામાં પોતાની સંપત્તિની વિગતો આપી હતી. એફિડેવિટ મુજબ ભૂપેન્દ્ર પટેલ 8 કરોડ 22 લાખ રૂપિયાની સંપત્તિના માલિક છે. પરંતુ તેમની પાસે કોઈપણ પ્રકારની જમીન નથી. જોકે તેમની પત્ની હેતલબેનના નામે 16 લાખ 30 હજારની કિંમતની જમીન છે. ભૂપેન્દ્ર પટેલ પાસે 2 લાખ 15 હજાર 450 રૂપિયા રોકડા છે.

25 લાખના દાગીના

બીજી વખત ગુજરાતના સીએમ બનેલા ભૂપેન્દ્ર પટેલ પાસે લગભગ 25 લાખ રૂપિયાના દાગીના છે. સાથે જ તેની પત્ની પાસે 47 લાખ 50 હજાર રૂપિયાની જ્વેલરી છે. વર્ષ 2017 દરમિયાન ભૂપેન્દ્ર પટેલ પાસે 5 કરોડ રૂપિયાની સંપત્તિ હતી. તેમણે પોતાના સોગંદનામામાં આ વાતનો ઉલ્લેખ કર્યો છે. ભુપેન્દ્ર પટેલે ચૂંટણી સોગંદનામામાં તેમની આવકનો સ્ત્રોત પગાર, ભાડું અને અન્ય માધ્યમો જણાવ્યા છે. તે જ સમયે, તેમની પત્ની દુકાનોના ભાડા અને વ્યવસાયમાંથી કમાય છે.

એક પણ કાર નથી

ભાજપના લો પ્રોફાઈલ નેતાઓમાં ગણાતા ભૂપેન્દ્ર પટેલના પરિવારમાં માત્ર એક એક્ટિવા સ્કૂટર છે. તેમના ચૂંટણી એફિડેવિટમાં તેમણે જણાવ્યું છે કે તેમના નામે એક પણ વાહન નથી. જોકે તેની પત્નીના નામે 2007 મોડલનું હોન્ડા એક્ટિવા સ્કૂટર છે. ભૂપેન્દ્ર પટેલ ચૂંટણીમાં સૌથી વધુ 1.92 લાખ મતોથી ઘાટલોડિયા બેઠક પર જીત્યા છે. તેમણે સપ્ટેમ્બર 2021માં પ્રથમ વખત વિજય રૂપાણીની જગ્યા લીધી હતી.

જંગી વિજય મેળવ્યો

ગુજરાત વિધાનસભાની ચૂંટણીમાં ભાજપનો જંગી વિજય થયો છે. 182 સભ્યોના ગૃહમાં ભાજપે રેકોર્ડ 156 બેઠકો જીતી અને સતત સાતમી વખત જીત મેળવી. સિવિલ એન્જિનિયરિંગમાં ડિપ્લોમા ડિગ્રી ધરાવતા ભપેન્દ્ર પટેલે ગુજરાતના ભૂતપૂર્વ મુખ્ય પ્રધાન આનંદીબહેન પટેલની બેઠક ઘાટલોડિયાથી 2017ની વિધાનસભા ચૂંટણી લડી હતી અને 1.17 લાખ મતોથી જીત મેળવી હતી. આ વખતે પણ તેમણે જોરદાર જીત મેળવી છે અને કોંગ્રેસના ઉમેદવાર અમી યાજ્ઞિકને 1.92 લાખ મતોથી હરાવ્યા છે.

આ પણ વાંચો: જંગી જીત માટે PM મોદીએ ગુજરાતની જનતાનો માન્યો આભાર, મંચ પર નતમસ્તક થઇને કર્યું નમન

આ પણ વાંચો:બીજેપી સાંસદે 2000ની નોટ બંધ કરવાની માગ કરી, કહ્યું- પરત કરવા માટે સમય અપાશે

આ પણ વાંચો: શું રાજકારણમાં એન્ટ્રી કરવા જઈ રહી છે પ્રિયંકા ગાંધીની પુત્રી, માતા અને મામા સાથે આવી રીતે મળી જોવા… જુઓ તસવીરો