સ્પેસ ટ્રાવેલ અબજોપતિ રિચાર્ડ બ્રાન્સન પૃથ્વી પર પાછા ફર્યા છે. વિશેષ બાબત એ છે કે બ્રાન્સન પાંચ સભ્યોને અંતરિક્ષમાં લઈ ગયા હતા. જેમાં ભારતીય મૂળની શિરીષા બંદલા પણ સામેલ હતી. આ આખી મુસાફરીમાં લગભગ 56 મિનિટનો સમય લાગ્યો. આમાંથી તે માત્ર ચાર મિનિટ જ અવકાશમાં રોકાયા છે. ભારતીય સમય મુજબ તેમનું વિમાન આઠ વાગ્યે ઉપડ્યું. અને 9.11 વાગ્યે પૃથ્વી પર પરત ફર્યું છે. પૃથ્વી પરત ફર્યા પછી, રિચાર્ડ બ્રાન્સને વર્જિન ગેલેક્ટીક સ્પેસશીપની પ્રશંસા કરી.
શિરીષા બંદલા અવકાશમાં જવા માટે ભારતીય મૂળની ત્રીજી મહિલા બની છે
શિરીષા બંદલાનો જન્મ આંધ્રપ્રદેશના ગુંટુર જિલ્લામાં થયો હતો. તેમનો ઉછેર ટેક્સાસના હુસ્ટમમાં થયો હતો. તે અવકાશમાં જનાર ભારતીય મૂળની ત્રીજી મહિલા બની છે. આ પહેલા કલ્પના ચાવલા અને સુનિતા વિલિયમ્સ અંતરિક્ષમાં પહોંચ્યા હતા.
રિચાર્ડ બ્રાન્સન કોણ છે, તેના વિશે જાણો
બ્રિટનના વર્જિન ગ્રુપના સ્થાપક બ્રાન્સન 71 વર્ષના થવા જઈ રહ્યા છે. આ ઉનાળાના અંત સુધી તેમના અવકાશમાં જવાની કોઈ સંભાવના ના હતી. પરંતુ બ્લુ ઓરિજિનના જેફ બેઝોસે 20 મી જુલાઈએ અવકાશમાં જવાની જાહેરાત કરતા કહ્યું હતું કે તેઓ વેસ્ટ ટેક્સાસથી તેમના રોકેટ દ્વારા અવકાશમાં જશે, આથી બ્રાન્સનએ પણ તે પહેલા જ પોતે અવકાશમાં જવા માટે પ્લાન બનાવી નાખ્યો
સ્પેસક્રાફ્ટ ન્યૂ મેક્સિકોના દક્ષિણ રણથી અવકાશમાં ઉડાન ભરી હતી. જેમાં તેમની પત્ની, પુત્ર, પુત્રી અને પૌત્ર અને પૌત્રી હાજર હતા. અવકાશયાન લગભગ 8 માઇલ (13 કિ.મી.) ની ઊંચાઈ એ પહોંચ્યા પછી તેના મૂળ વિમાનથી અલગ થઈ ગયું અને લગભગ 88 કિ.મી.ની ઉંચાઈએ અવકાશની ધાર પર પહોંચ્યું. અહીં પહોંચતાં ક્રૂ મેમ્બરોને થોડીવાર માટે વજન ન આવે તેવું લાગ્યું. બ્રાન્સને અચાનક જ ટ્વિટર પર અંતરિક્ષ યાત્રાની જાહેરાત કરી. તેની ફ્લાઇટનો હેતુ અંતરિક્ષ પર્યટનને પ્રોત્સાહન આપવાનો છે, જેના માટે 600 થી વધુ લોકો પહેલેથી રાહ જોઈ રહ્યા છે.
