બિપાશા બાસુ અને કરણ સિંહ ગ્રોવરને ખૂબ ખૂબ અભિનંદન. દંપતીના ઘરે એક નાનકડી પરીનો જન્મ થયો છે. રિપોર્ટ્સ અનુસાર, 43 વર્ષની ઉંમરમાં બિપાશાએ એક સુંદર દીકરીને જન્મ આપ્યો છે. બિપાશા અને કરણ માતા-પિતા બની ગયા છે. રણબીર કપૂર અને આલિયા ભટ્ટ બાદ હવે બોલિવૂડનું આ પ્રેમી યુગલ પણ પેરેન્ટ ક્લબમાં સામેલ થઈ ગયું છે.
બિપાશા બાસુની ટીમ અનુસાર, અભિનેત્રીએ એક નાનકડી પરીને જન્મ આપ્યો છે. બિપાશા અને કરણના બાળકના જન્મના સમાચાર બહાર આવતાં જ અભિનંદનનો દોર શરૂ થઈ ગયો હતો. આ ખુશીના અવસર પર આ કપલને ફેન્સ અને સેલેબ્સ તરફથી ખૂબ અભિનંદન અને પ્રેમ મળી રહ્યો છે. લિટલ એન્જલના આગમન સાથે બિપાશા અને કરણનો પરિવાર પૂર્ણ થઈ ગયો છે અને તેમનું જીવન ખુશીઓથી ભરાઈ ગયું છે.
પ્રેગ્નન્સી દરમિયાન બિપાશા તેના ફેન્સ સાથે સોશિયલ મીડિયા દ્વારા જોડાયેલી રહી હતી. બિપાશાએ ઘણા ગ્લેમરસ મેટરનિટી ફોટોશૂટ કરાવીને ચાહકોને દેવાના બનાવ્યા હતા.બિપાશાના મેટરનિટી ફોટોશૂટની તસવીરો આજે પણ સોશિયલ મીડિયા પર વાયરલ છે. પ્રેગ્નેન્સીની સફર દરમિયાન અભિનેત્રીને ફેમિલી સાથે ફેન્સનો ઘણો પ્રેમ અને સપોર્ટ મળ્યો છે.
બિપાશા બાસુ અને કરણ સિંહ ગ્રોવર બોલિવૂડનું પાવર કપલ છે. બંને એકબીજા પર પ્રેમ વરસાવવાનો કોઈ મોકો છોડતા નથી. બિપાશા-કરણના લગ્ન 2016માં થયા હતા. લગ્ન બાદથી બિપાશાની પ્રેગ્નન્સીના સમાચાર ઘણી વખત સામે આવી રહ્યા છે. પરંતુ આ વર્ષે ઓગસ્ટમાં અભિનેત્રીએ સોશિયલ મીડિયા પોસ્ટ દ્વારા પ્રેગ્નન્સીના સારા સમાચાર શેર કર્યા હતા.
હવે દાંપત્યજીવનમાં એક નાનકડા મહેમાનની એન્ટ્રીથી તેમની દુનિયા વધુ સુંદર બની ગઈ છે. ચાહકો હવે કપલના બાળકને જોવાની આતુરતાથી રાહ જોઈ રહ્યા છે. ચાલો જોઈએ બિપાશા અને કરણ તેમના બાળકની ઝલક ચાહકોને ક્યારે બતાવે છે.
આ પણ વાંચો:ગુજરાત હાઈકોર્ટે હટાવ્યો હાર્દિક પટેલ પરનો આ પ્રતિબંધ, હવે આ જિલ્લામાં પણ કરી શકશે પ્રચાર
આ પણ વાંચો:ગુજરાત કોંગ્રેસનો AAP નેતા પર ટિકિટના બદલામાં મહિલાઓને બ્લેકમેલ કરવાનો આરોપ, સામે આવી આ સફાઈ
આ પણ વાંચો:ગુજરાતમાં એક સાથે 150 જગ્યાએ દરોડા, રાજ્ય ATS અને GSTનું સંયુક્ત ઓપરેશન
