ભારત એક એવો દેશ છે જ્યાં લોકો બધાને દિલથી અપનાવે છે. તેથી જ તેના પ્રિય સેલેબ્સ ચાહકો માટે ભગવાન કરતા ઓછા નથી હોતા. આ જ કારણ છે કે દક્ષિણ અને બોલિવૂડ ફિલ્મોની એક્ટ્રેસ નિધિ અગ્રવાલનું ચેન્નઈમાં એક મંદિર બનાવવામાં આવ્યું છે. ત્યાં ચાહકો તેમની મૂર્તિ સ્થાપિત કરીને પૂજા કરી રહ્યા છે. અભિનેત્રી આ જોઈને ખુશ છે, પરંતુ તેણે લોકોને આનો યોગ્ય રીતે ઉપયોગ કરવા અપીલ કરી છે.
અભિનેત્રીએ પોતાના સોશિયલ મીડિયા હેન્ડલ પર પણ મંદિરના નિર્માણ અંગેનું નિવેદન બહાર પાડ્યું હતું. તેમાં તેણે લખ્યું કે, ‘મારા ચાહકોએ મારા પર નિ:સ્વાર્થ પ્રેમ વરસાવ્યો તેનાથી હું ખૂબ જ ખુશ છું. તેઓએ હંમેશાં મને સપોર્ટ આપ્યો છે. મારા કેટલાક ચાહકો ક્લબ ચેરિટીનું કામ કરે છે, જેની હું પ્રશંસા કરું છું. હું મંદિરના ટ્રસ્ટીઓને નમ્ર વિનંતી કરું છું કે લોકોને આશ્રય, શિક્ષણ અને ખોરાક પૂરો પાડવા આ મંદિરનો ઉપયોગ કરો. તમારો પ્રેમ અને સપોર્ટ મારા માટેના કોઈપણ સાંસારિક પુરસ્કાર કરતા વધારે છે. ‘
View this post on Instagram
નિધિ અગ્રવાલ કદાચ પહેલી યુવતી અભિનેત્રી હશે, જેના માટે તેના પ્રિયજનોએ એક મંદિર બનાવ્યું હોય. કારણ કે દક્ષિણમાં પ્રખ્યાત અભિનેતા રજનીકાંતનો ઘણો ક્રેઝ છે. લોકો તેને ભગવાનનો દરજ્જો આપે છે. આવી સ્થિતિમાં અભિનેત્રી માટે આ પહેલ કરવી તે બહુ મોટી બાબત છે. નિધિ અગ્રવાલ ખુદ આ માટે ચાહકોનો આભાર માને છે.
અભિનેત્રીના ચાહકો વેલેન્ટાઇન ડે પર આ મંદિરનું ઉદઘાટન કર્યું હતું. લોકોએ કેક કાપીને પ્રતિમાનો અભિષેક કર્યો. પોતાના મંદિરનું નિર્માણ સાંભળીને નિધિએ કહ્યું હતું કે ‘વેલેન્ટાઇન ડે પર ચાહકોએ આ ભેટ આપી છે. મને આ જોઈને આશ્ચર્ય થયું. મને તેની અપેક્ષા નહોતી. તેમ છતાં હું ચાહકોના આ પ્રેમ માટે ખુશ અને આભારી છું, મેં તમિળમાં માત્ર 2 અને તેલુગુમાં એક જ ફિલ્મ્સ કરી છે. તેથી તે આઘાતજનક છે, પરંતુ ખુશી છે. ‘
વર્ક ફ્રન્ટ વિશે વાત કરવામાં આવે તો, નિધિએ વર્ષ 2017 માં ‘મુન્ના માઇકલ’ સાથે ડેબ્યૂ કર્યું હતું. આમાં ટાઇગર શ્રોફ તેની અપોજિટ જોવા મળ્યો હતો. એવું કહેવામાં આવે છે કે આ ભૂમિકા માટે લગભગ 3000 છોકરીઓને નકારી હતી. પણ નિધિ એ બાજી મારી ગઈ હતી. આ પછી, તે માત્ર સાઉથ મૂવીઝમાં જ દેખાઈ.
મંતવ્ય ન્યૂઝ દ્વારા જાહેર અપીલ –
નાગરીકોની શિસ્તબધ્ધતા અને તંત્રની અથાગ મહેનતનાં કારણે ગુજરાતમાં કોરોના નામશેષ થવાનાં આરે પહોંચી ચૂક્યો છે. ગાફેલ રહેવાની બીલકુલ જરુર નથી કારણ કે કોરોનાની સંપૂર્ણ નાબૂદીમાં હજુ થોડો સમય લાગશે. જો કે, ગુજરાતનાં આ સદનસીબ છે કે કોરોનાની ચાલ મંદી પડી છે, બાકી વિશ્વનાં અનેક દેશમાં આજે પણ કોરોના કહેર વર્તાવી જ રહ્યો છે. આવા સમયે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, કોરોનાથી ડરવાની નહીં, પરંતુ સંયમ સાથે વર્તવાની જરુર છે અને જે આપણે કરી પણ બતાવ્યું છે. છતા પણ બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય, ચાલો સંયમ સાથે નિયમોનું પાલન કરી એક જાગૃત નાગરીકની ફરજ બજાવીએ…
