ભારતીય ફાસ્ટ બોલર જસપ્રિત બુમરાહે ICC દ્વારા જાહેર કરાયેલ બોલરોની ટેસ્ટ રેન્કિંગમાં પ્રથમ સ્થાન મેળવ્યું છે. કાનપુરમાં બાંગ્લાદેશ સામેની બીજી ટેસ્ટમાં છ વિકેટ લેનાર બુમરાહે દેશબંધુ અશ્વિનને પછાડીને નંબર વનનું સ્થાન મેળવ્યું છે. તેણે મેચમાં શાનદાર પ્રદર્શન કર્યું અને બંને દાવમાં માત્ર 67 રન આપીને 6 વિકેટ લીધી. તેણે મેચની નિર્ણાયક ક્ષણો પર વિકેટ લીધી, જ્યારે પણ તેની ટીમને તેની જરૂર પડી.
અશ્વિન બુમરાહથી માત્ર એક રેટિંગ પોઈન્ટ પાછળ
તમિલનાડુના સ્પિનર અશ્વિને કાનપુર ટેસ્ટમાં પાંચ વિકેટ ઝડપી હતી અને તે આ યાદીમાં બીજા સ્થાને છે. અશ્વિન બુમરાહથી માત્ર એક રેટિંગ પોઈન્ટ પાછળ છે. રવીન્દ્ર જાડેજા ટોપ 10માં સ્થાન મેળવનાર ત્રીજો ભારતીય બોલર છે અને રેન્કિંગમાં છઠ્ઠા નંબર પર છે.
BUMRAH BECOMES THE NUMBER 1 TEST BOWLER IN ICC RANKING 🇮🇳
– The Greatest in Modern Era…!!! pic.twitter.com/FsnBMCrbrn
— Johns. (@CricCrazyJohns) October 2, 2024
શ્રીલંકાના સ્પિનર પ્રભાત જયસૂર્યાએ તેની કારકિર્દીની સર્વશ્રેષ્ઠ રેન્કિંગ હાંસલ કરી અને સાતમું સ્થાન મેળવ્યું. તાજેતરમાં તેણે ન્યુઝીલેન્ડ સામે 18 વિકેટ ઝડપી હતી અને ‘પ્લેયર ઓફ ધ સિરીઝ’નો એવોર્ડ જીત્યો હતો. આ યાદીમાં પાકિસ્તાનનો માત્ર એક બોલર સામેલ છે. ફાસ્ટ બોલર શાહીન આફ્રિદી 709 રેટિંગ પોઈન્ટ સાથે દસમા સ્થાને છે.
જયસ્વાલે તેની કારકિર્દીનું સર્વશ્રેષ્ઠ રેન્કિંગ મેળવ્યું
ICC એ બેટ્સમેનોની રેન્કિંગ પણ જાહેર કરી છે, જ્યાં ભારતીય ઓપનર યશસ્વી જયસ્વાલે કાનપુર ટેસ્ટમાં શાનદાર પ્રદર્શન કર્યા બાદ પોતાની કારકિર્દીની સર્વશ્રેષ્ઠ રેન્કિંગ હાંસલ કરી છે. કાનપુર ટેસ્ટમાં 72 અને 51 રનની ઝડપી ઇનિંગ્સ રમનાર યશસ્વી હવે બે સ્થાનની છલાંગ લગાવીને ત્રીજા સ્થાને પહોંચી ગયો છે. હવે તેમનાથી આગળ જો રૂટ અને કેન વિલિયમસન છે, જ્યારે વિરાટ કોહલી ટોપ 10માં પરત ફર્યો છે. શ્રીલંકાના ઈન ફોર્મ જમણા હાથના બેટ્સમેન કામિન્દુ મેન્ડિસની પણ પ્રગતિ થઈ છે. 26 વર્ષીય મેન્ડિસ પાંચ સ્થાનનો સુધારો કરીને 11મા સ્થાને પહોંચી ગયો છે. તેણે ન્યૂઝીલેન્ડ સાથે તાજેતરમાં રમાયેલી ટેસ્ટ શ્રેણીમાં શાનદાર પ્રદર્શન કર્યું હતું.
આ પણ વાંચો: બાંગ્લાદેશને બીજી ટેસ્ટમાં સાત વિકેટે હરાવી શ્રેણી 2-0થી કબ્જે કરતું ભારત
આ પણ વાંચો: વિરાટે બેટ આપ્યું ભેટ, આકાશદીપે માર્યા 2 સિક્સ, કોહલીની પ્રતિક્રિયા થઈ વાયરલ
આ પણ વાંચો: રવિન્દ્ર જાડેજા 300 વિકેટ અને 3000 રનની સિદ્ધિ નોંધાવનારો ત્રીજો ઓલરાઉન્ડર
