સમગ્ર વિશ્વમાં કોરોનાનો કહેર છે. ત્યારે સૌથી વધુ કોરોનાથી પ્રભાવિત દેશોમાં અમેરિકા ટોપ પર છે. જ્યારે ભારતે ટોપ 10 માં પ્રવેશ કરી દીધો છે. ભારતમાં હવે પરિસ્થિતિ વધુને વધુ ગંભીર બની રહી છે. જ્હોન હોપકિન્સ યુનિવર્સિટીનાં જણાવ્યા મુજબ, 1 લાખ 85 હજાર કોરોનાનાં કેસો બાદ ભારત હવે કોરાના ચેપથી પ્રભાવિત વિશ્વનાં ટોચનાં 10 દેશોમાં જર્મની અને ફ્રાન્સને પાછળ છોડતા 7 માં સ્થાને પહોંચી ગયું છે. તાજેતરમાં દેશમાં કોરોનાનાં 1,88,989 કેસ નોંધાયા હતા.
રવિવારે, ભારતમાં કોરોના ચેપંના 8,380 નવા કેસ નોંધાયા હતા, જે અત્યાર સુધીનો રેકોર્ડ છે. વળી કોરોનાથી દેશમાં જીવ ગુમાવનારા લોકોની સંખ્યા 5 હજારને વટાવી ગઈ છે. છેલ્લા 24 કલાકમાં દેશમાં કોરોનાવાયરસને કારણે 193 લોકોનાં મોત નીપજ્યાં છે. વળી રાહતની વાત છે કે દેશમાં 86 હજારથી વધુ દર્દીઓ કોરોનાને હરાવવામાં સફળ થયા છે. દરમિયાન, શનિવારે, દેશમાં લાગુ થયેલા લોકડાઉનને કન્ટેનમેન્ટ ઝોન સુધી મર્યાદિત રાખીને સમયગાળો 30 જૂન સુધી લંબાવાનો નિર્ણય લેવામાં આવ્યો છે.
છેલ્લા ત્રણ દિવસમાં કોરોનાનાં કેસમાં વિક્રમજનક વૃદ્ધિ બાદ ભારત હવે આ રોગચાળાથી અસરગ્રસ્ત દેશોની યાદીમાં 7 માં સ્થાને આવી ગયું છે. કોરોના કેસમાં આ વધારો એવા સમયે થઈ રહ્યો છે જ્યારે ભારત બે મહિનાનાં લોકડાઉનને ફરીથી ખોલવાની તૈયારી કરી રહ્યું છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
