ભારત અને કેનેડા વચ્ચે વિવાદ દિવસેને દિવસે વધી રહ્યો છે, જેની અસર બિઝનેસ જગત પર પણ પડી રહી છે. જોકે, ભારત સાથે ટણી કરવી કેનેડા માટે ખૂબ મોંઘી પડશે. ભારતીય કંપનીઓ કેનેડામાં પોતાનો ધંધો બંધ કરી રહી છે જેના કારણે કેનેડાને મોટો ફટકો પડ્યો છે. આનંદ મહિન્દ્રાની કંપની મહિન્દ્રા એન્ડ મહિન્દ્રાએ કેનેડિયન ફર્મ રેસન એરોસ્પેસ કોર્પોરેશન સાથેની ભાગીદારી સમાપ્ત કરી દીધી છે. મહિન્દ્રા એન્ડ મહિન્દ્રા બાદ વધુ એક ભારતીય કંપનીએ કેનેડામાં પોતાનો બિઝનેસ બંધ કરવાનો નિર્ણય લીધો છે.
JSW સ્ટીલ કેનેડાના ટેક રિસોર્સિસના સ્ટીલમેકિંગ કોલસા યુનિટમાં હિસ્સો ખરીદવાની પ્રક્રિયાને ધીમી કરી રહી છે. એક મીડિયા રિપોર્ટમાં જણાવાયું છે કે, ભારતની સૌથી મોટી સ્ટીલ કંપની જેએસડબ્લ્યુ સ્ટીલ અને ટેક રિસોર્સિસ વચ્ચે હિસ્સાના વેચાણની પ્રક્રિયા પર ચર્ચા ધીમી પડી છે પરંતુ કાગળની પ્રક્રિયા હજુ પણ ચાલુ છે.
સમસ્યાના ઉકેલની રાહ જોઈ રહ્યા છીએ
રિપોર્ટમાં કહેવામાં આવ્યું છે કે આ ડીલ માટે બંને કંપનીઓ વચ્ચેના મુદ્દાના સમાધાનની રાહ જોવાઈ રહી છે. આ મુદ્દો શાંત થતાંની સાથે જ વેચાણ પ્રક્રિયા ફરી ગતિ પકડી શકે છે. એવું પણ કહી શકાય નહીં કે આ ડીલ સંપૂર્ણપણે અટકી જશે, કારણ કે બંને કંપનીઓ વચ્ચે હજુ પેપરવર્ક ચાલી રહ્યું છે. બંનેએ આ મુદ્દે કોઈ સત્તાવાર માહિતી આપી નથી.
બીજી તરફ આ મામલા સાથે સંકળાયેલા એક સૂત્રએ જણાવ્યું કે જેએસડબ્લ્યુ ટ્રાન્ઝેક્શન માટે બેંકો સાથે વાતચીત કરી રહી છે. નોંધનીય છે કે JSW ટેક કોલસાના વ્યવસાયમાં દેશની સૌથી મોટી કંપનીઓમાંની એક છે.
શું છે સમગ્ર મામલો
શીખ અલગતાવાદી નેતાની હત્યા બાદ કેનેડામાં વિવાદ વધી ગયો છે. કેનેડાના પીએમ જસ્ટિન ટ્રુડોએ ભારતીય એજન્ટો દ્વારા તેમની હત્યા કરવામાં આવી હોવાનો આક્ષેપ કર્યા બાદ વિવાદ વકર્યો હતો. ભારતે કેનેડાના આરોપને વાહિયાત ગણાવ્યો છે અને તેને ફગાવી દીધો છે. જો કે, આ પછી કેનેડાએ એક ભારતીય અધિકારીને હાંકી કાઢ્યો હતો. આ પછી, વિદેશ મંત્રાલયના પ્રવક્તાએ સુરક્ષાને ટાંકીને કેનેડિયન નાગરિકોના વિઝા સસ્પેન્ડ કર્યા.
આ પણ વાંચો: Mann Ki Baat/ ભારતીય- મિડિલ ઈસ્ટ -યુરોપ ઇકોનોમિક કોરિડોર બનશે વિશ્વ વેપારનો આધાર
આ પણ વાંચો: Made In India Chip/ માઈક્રોન ટેકનોલોજીએ તેમની નવી સેમિકન્ડક્ટર એસેમ્બલી અને ટેસ્ટ ફેસિલિટી બનાવવા માટે ટાટા પ્રોજેક્ટ્સની
આ પણ વાંચો: Asian Games 2023/ ભારતે શૂટિંગ, રોઇંગમાં સિલ્વર જીત્યો,મહિલા ક્રિકેટ ટીમ બાંગ્લાદેશને હરાવી ફાઇનલમાં પહોંચી
