કોરોના વાયરસ મહામારીમાં, ભારત વિશ્વના ઘણા દેશો માટે મસીહા તરીકે ઉભરી આવ્યો છે. આ દેશોમાં કેનેડાનું નામ પણ શામેલ છે. સીરમ ઇન્સ્ટિટ્યૂટ ઓફ ઈન્ડિયાની કંપની દ્વારા ઉત્પાદિત કોવિશિલ્ડ રસી (Covishield vaccine) ના પાંચ લાખ ડોઝની પ્રથમ ખેપ તાજેતરમાં કેનેડા પહોંચી હતી. જે બાદ હવે આ દેશએ ભારતનો આભાર માન્યો છે. અહીં ગ્રેટર ટોરોન્ટોમાં બિલબોર્ડ લગાવવામાં આવ્યા છે. જેના પર વડા પ્રધાન નરેન્દ્ર મોદી (PM modi) ની તસવીર છે અને તેમનો આભાર માનવામાં આવ્યો છે.
આ પણ વાંચો : રાષ્ટ્રપતિ કોવિંદ અને PM મોદીએ મહાશિવરાત્રી પર દેશવાસીઓને આ રીતે પાઠવી શુભેચ્છા
આ બિલબોર્ડ પર વડા પ્રધાન મોદીની તસવીર સાથે લખ્યું છે, ‘કેનેડાને કોવિડ રસી આપવા બદલ ભારત અને પીએમ નરેન્દ્ર મોદીનો આભાર.’ ભારત દ્વારા કેનેડાને રસીના 20 લાખ ડોઝ આપવામાં આવી રહ્યા છે. આ અગાઉ પાંચ લાખ ડોઝ મળતાં કેનેડિયન ભારતીય મૂળના પ્રધાન અનિતા આનંદે કહ્યું કે, “ભારતની સીરમ ઇન્સ્ટિટ્યૂટમાં બનેલી કોવિશિલ્ડ રસીના પાંચ લાખ ડોઝની પહેલી બેચ કેનેડા પહોંચી છે.” 15 લાખના ડોઝ આવશે. અમે વધુ સહયોગની આશા રાખીશું. ‘
પીએમ ટ્રુડોએ કર્યો હતો ફોન
કેનેડાના વડા પ્રધાન જસ્ટિન ટ્રુડોએ વડા પ્રધાન નરેન્દ્ર મોદીને ફોન કરીને વિનંતી કરી હતી કે તેમને રસીની જરૂર છે. જેના પર પીએમ મોદીએ ટ્વીટ કર્યું હતું કે ‘મારા મિત્ર જસ્ટીન ટ્રુડો’ નો ફોન આવવા પર ખુશ થઇ. વધુમાં, તેમણે કેનેડાને ખાતરી આપી હતી કે કોરોના વાયરસ રસીના જેટલા ડોઝની માંગ કરવામાં આવી છે, ભારત તેઓને સપ્લાય કરવા તમામ પ્રયાસ કરશે.
આ પણ વાંચો : શિવરાત્રીએ સામે આવ્યું કોરોનાના સેકન્ડ વેવનું રૌદ્ર સ્વરૂપ : 24 કલાકમાં 22,000થી વધુ કેસ જ્યારે રિકવરી 18,000
‘ભારત ગર્વ અનુભવે છે’
કેનેડામાં ભારતના રાજદૂત અજય બિસારિયાએ કહ્યું, ‘કેનેડાના રસીકરણ અભિયાનને સમર્થન આપવામાં ભારત ગર્વ અનુભવ કરી રહ્યું છે . 60 ટકાથી વધુ ઉત્પાદન ક્ષમતા સાથે, ભારત રસી આંતરરાષ્ટ્રીયતામાં વિશ્વાસ કરે છે અને લેણ મહામારીને પહોંચી વળવા વિશ્વને સમર્થન આપી રહ્યું છે. ‘તેમણે એમ પણ કહ્યું કે, મેડ ઇન ઈન્ડિયા રસી ભારત અને કેનેડાને સપ્લાય કરે છે તે વ્યૂહાત્મક ભાગીદારીને પ્રતિબિંબિત કરે છે. તે જ સમયે, તે વિશ્વની દવા પ્રત્યે ભારતની પ્રતિબદ્ધતા પણ દર્શાવે છે, જેના દ્વારા વૈશ્વિક કુટુંબને કોરોના વાયરસ મહામારી સામે લડવામાં મદદ કરવામાં આવી રહી છે.
