Canada News: કેનેડાના ઉત્તરપૂર્વીય બ્રિટિશ કોલંબિયામાં મંગળવારે બનેલી ગોળીબાર (Shooting)ની ઘટના સમગ્ર દેશને હચમચાવી ગઈ છે. ટમ્બલર રિજ સેકન્ડરી સ્કૂલ (Tumbler Ridge School)માં થયેલા આ હુમલામાં હુમલાખોર સહિત ઓછામાં ઓછા 10 લોકોના મોત થયાના છે, જ્યારે 25થી વધુ લોકો ઘાયલ થયા છે. શાળામાં ધોરણ 7 થી 12 સુધીના કુલ 175 વિદ્યાર્થીઓ અભ્યાસ કરે છે.

RCMP દ્વારા પ્રાપ્ત માહિતી મુજબ -(Shooting)

રોયલ કેનેડિયન માઉન્ટેડ પોલીસ (RCMP) દ્વારા પ્રાપ્ત માહિતી મુજબ, બપોરે 1:20 વાગ્યે ગોળીબાર (Shooting)અંગે કટોકટી કોલ મળ્યા બાદ પોલીસ તાત્કાલિક ઘટનાસ્થળે પહોંચી હતી.

ઝડપથી બદલાતી પરિસ્થિતિ

RCMP નોર્થ ડિસ્ટ્રિક્ટ કમાન્ડર કેન ફ્લોયડના જણાવ્યા મુજબ, પરિસ્થિતિ ખૂબ જ નાજુક અને ઝડપથી વિકસતી  (Shooting)હતી. પોલીસ શાળાની અંદર પ્રવેશી ત્યારે ઘણા વિદ્યાર્થીઓ અને સ્ટાફ ઘાયલ હાલતમાં મળી આવ્યા હતા. કેટલાક લોકો ઘટનાસ્થળે જ મૃત જાહેર કરવામાં આવ્યા. હુમલાખોર માનવામાં આવતો એક વ્યક્તિ પણ મૃત હાલતમાં મળી આવ્યો હતો. પોલીસ અનુસાર, તેના શરીરમાં સ્વ-લાદવા (Self-imposed)માં આવેલી ઇજાઓ હતી.

ઘાયલોને તાત્કાલિક સારવાર

ઘટનામાં ઘાયલ થયેલા લોકોમાંથી બેને ગંભીર હાલતમાં હેલિકોપ્ટર દ્વારા હોસ્પિટલમાં ખસેડવામાં આવ્યા. માર્ગમાં એક વ્યક્તિનું મૃત્યુ થયું હોવાનું જણાવાયું છે. આશરે 25 લોકોને નાની ઇજાઓ થતાં સ્થાનિક તબીબી કેન્દ્રમાં સારવાર આપવામાં આવી રહી છે. શાળાની અંદર રહેલા તમામ વિદ્યાર્થીઓ અને સ્ટાફને સુરક્ષિત રીતે બહાર કાઢવામાં આવ્યા છે.

શાળાઓ અઠવાડિયા માટે બંધ

આ દુઃખદ ઘટનાને કારણે ટમ્બલર રિજ પ્રાથમિક અને માધ્યમિક શાળાઓને આખા અઠવાડિયા માટે બંધ રાખવાનો નિર્ણય લેવામાં આવ્યો છે. સ્કૂલ ડિસ્ટ્રિક્ટ દ્વારા ઓનલાઈન નિવેદનમાં આ માહિતી આપવામાં આવી હતી.

પોલીસ અને સરકારની પ્રતિક્રિયા

સ્થાનિક ધારાસભ્ય લેરી ન્યુફેલ્ડે જણાવ્યું હતું કે પરિસ્થિતિને કાબૂમાં લેવા માટે મોટી સંખ્યામાં પોલીસ અને એમ્બ્યુલન્સ ટીમોને મોકલવામાં આવી હતી. તેમણે લોકોને ઘરે જ રહેવા અને પોલીસને સહકાર આપવા અપીલ કરી. બ્રિટિશ કોલંબિયાના જાહેર સલામતી મંત્રી નીના ક્રિગરે આ ઘટનાને “હૃદયદ્રાવક” ગણાવી હતી અને જણાવ્યું હતું કે સરકાર પીડિત પરિવારોને તમામ શક્ય સહાય પૂરી પાડશે.

પોલીસે સ્પષ્ટ કર્યું છે કે હાલ કોઈ અન્ય શંકાસ્પદ વ્યક્તિ ફરાર નથી અને જનતા માટે કોઈ તાત્કાલિક ખતરો નથી.

વિગતવાર તપાસ શરૂ -RCMP 

RCMP દ્વારા ઘટનાની વિગતવાર તપાસ શરૂ કરવામાં આવી છે. શાળાના CCTV ફૂટેજ, સાક્ષીઓના નિવેદનો અને ફોરેન્સિક (Shooting)પુરાવાઓ એકત્રિત કરવામાં આવી રહ્યા છે.

આ પણ વાંચો:ટ્રમ્પની કેનેડાને ચીન સાથે વેપાર સામે ચેતવણી, ગ્રીનલેન્ડમાં ‘ગોલ્ડન ડોમ’ મિસાઇલ સિસ્ટમનો પ્લાન

આ પણ વાંચો:કેનેડાથી પુત્ર આવ્યા બાદ અંતિમ સંસ્કાર, સુરતમાં મહિલા આત્મહત્યા માં પતિ સહિત પાંચ સામે ગુનો નોંધાયો

આ પણ વાંચો:લોરેન્સ ગેંગ ભારત સરકારના ઈશારે કેનેડામાં કાર્યરત છે, આ RCMP રિપોર્ટે મચાવ્યો ખળભળાટ